امیتا ملک
| امیتا ملک | |
|---|---|
 | |
|
| |
| معلومات شخصیت | |
| پیدائش | سنہ 1921ء |
| وفات | 20 فروری 2009ء (87–88 سال) |
| وجہ وفات | ابیضاض |
| طرز وفات | طبعی موت |
| شہریت |  بھارت (26 جنوری 1950–)
|
| عملی زندگی | |
| پیشہ | مصنفہ ، کالم نگار |
درستی - ترمیم 
| |
امیتا ملک (1921 - 20 فروری 2009) ہِک ہندوستانی میڈیا دی نقاد ہَن[١]۔ اُنھاں کوں ٹائم میگزین نے ہندوستان دی "سب توں ممتاز فلم تے ٹیلی ویژن نقاد" دے طور تے بیان کِیتا، "ہندوستانی میڈیا دی زنانی اول" تے "ہندوستان دی مشہور سنیما مبصر" دے طور تے پیش کِیتا۔ اُنھاں نے 1944 وچ آل انڈیا ریڈیو، لکھنؤ توں اپݨے کیرئیر دا آغاز کِیتا تے بعد وچ دی اسٹیٹس مین، دی ٹائمز آف انڈیا، انڈین ایکسپریس تے پائنیر سمیت کئی پرنٹ اشاعتیں کِیتے لکھیا۔ اوہ 20 فروری 2009 کوں جنوبی دہلی دے نیڑے کیلاش ہسپتال وچ 87 سال دی عمر وچ لیوکیمیا دی وجہ توں انتقال کر ڳئِیاں۔
حیاتی دا احوال
[لکھو | ماخذ وچ تبدیلی کرو]بچپن
[لکھو | ماخذ وچ تبدیلی کرو]اوہ ملک گوہاٹی، آسام، برطانوی ہندوستان وچ ہِک بنگالی خاندان وچ پیدا تھئِیاں۔ جݙݨ امیتا دی عمر 21 ݙین٘ہ ہئی تاں اوہ جیڑھی کار وچ سفر کریندی پئی ہَن اوہ ݙوجھی کار نال ٹکرا ڳئی جیندے وچ مہاتما گاندھی بیٹھے ہَن۔ گاندھی جی کوں اِس ڳالھ دی ٻہوں فکر ہئی جو چھوٹا ٻال زخمی تاں کائنی تھی ڳیا۔ اُنھاں نے اپݨی زندگی وچ جو پہلی فلم ݙٹھی اوہ چارلی چپلن دی "دی گولڈ رش" ہئی۔
کیریئر
[لکھو | ماخذ وچ تبدیلی کرو]اُنھاں نے لکھنؤ وچ آل انڈیا ریڈیو وچ "ہفتہ کوں لنچ آور یورپی موسیقی دا ہفتہ وار پروگرام پیش کرݨ" کِیتے ماہانہ سو روپے دی تنخواہ تے شمولیت اختیار کِیتی۔ 1944 وچ اُنھاں نے پروگرام اسسٹنٹ دی اشتہاری پوسٹ کِیتے باضابطہ طور تے درخواست ݙِتّی تے آل انڈیا ریڈیو دے دہلی اسٹیشن تے تعینات تھی ڳئِیاں۔ اوہ انگمار برگمین تے مارلن برانڈو جئیں کئی اہم فلمی ہستیاں تے ہدایت کاراں دا انٹرویو کرݨ والی واحد ہندوستانی فلم نقاد ہووݨ تے فخر کر سڳدیاں ہِن۔
امیتا ملک اندرا گاندھی دا انٹرویو کرݨ والی پہلی رپورٹر ہَن جݙݨ اوہ تاشقند وچ لال بہادر شاستری دی موت دے بعد غیر متوقع طور تے پہلی واری ہندوستان دی وزیر اعظم بݨئِیاں۔
کینیڈا وچ تعلیم حاصل کرݨ دا اعزاز
[لکھو | ماخذ وچ تبدیلی کرو]اُنھاں کوں کینیڈین ویمن پریس کلب دی پہلی فیلوشپ نال نوازا ڳیا جیڑھے نے 1960 وچ اُنھاں دے نال کجھ ٻئے ارکان کِیتے ݙاہہ مہینے دی رہائش دا انتظام کِیتا۔ اوہ 1960 وچ کینیڈا دے وزیر اعظم ڈائیفن بیکر دے نال اپݨے انٹرویو وچ اقوام متحدہ وچ نسل پرستی دی کہانی کوں سامݨے گِھن آئِیاں۔
حوالے
[لکھو | ماخذ وچ تبدیلی کرو]- ↑ "Worldwide Wave – Why is the Entire Planet Baywatching? Why Not? It's Sexy, Wholesome Fun. Yes, Really"۔ Time۔ 25 ستمبر 1995۔ 2000-08-17 کو اصل سے آرکائیو کیا گیا۔ اخذ شدہ بتاریخ 2017-07-31