امر سندھو

امر سندھو

امر سندھو (اردو: امر سندھو، کنوں) سندھ، پاکستان دی ہِک پاکستانی مصنف اَتے پروفیسر ہن۔ اُوہ انسانی حقوق دی کارکن ہِن اَتے سندھی زبان وِچ لکھین٘دی ہِن۔ اُوہ آپ کوں ہِک سوشلسٹ دی حیثیت نال ݙیکھدی ہِن۔

ابتدائی حیاتی

امر سندھو دا اصل ناں سلمیٰ لغاری ہے۔ اُوہ 28 اگست کوں دِیہ دودو لغاری، میر پور خاص ضلع، سندھ، پاکستان وِچ حسین بخش لغاری دے گھر ڄَمّی ہَن۔

تعلیم

اُوہ ڈبل ایم اے اَتے ایل ایل بی دیاں ڈگریاں رکھین٘دی ہِن۔

کَم کار آلی حیاتی

اُوہ سندھ یونیورسٹی جام شورو وِچ فلسفہ دی پروفیسر ہِن۔

ویمن ایکشن فورم

امر سندھو، زنانیاں دے حقوق دی کارکن ہِن۔ اُوہ ویمن ایکشن فورم دی سرگرم رکن ہِن۔ انّھاں نے عرفانہ ملاح دے نال رَل کے حیدر آباد وِچ سن 2008ء وِچ ویمن ایکشن فورم (ڈبلیو اے ایف) دے باب دا اَغاز کِیتا ہَئی۔ اُوں ویلے کنوں اُوہ ڈبلیو اے ایف دے نال سرگرمی نال کَم کرین٘دی پئی ہِن۔ امر سندھو نے سندھ دے نامور شاعر شیخ ایاز دی شاعری دے بارے وِچ ٻہوں سارے مضمون لِکّھے ہِن۔

سماجی سرگرمیاں

امر سندھو، آپݨے قلم اَتے انجو انج فورماں وِچ مظلوم زنانیاں کِیتے عملی جد و جہد کرݨ آلی سماجی کارکن ہِن۔

حملہ

10 جولائی 2012ء کوں انّھاں اُتے اُوں ویلے حملہ کِیتا ڳِیا جین٘دے نتیجے وِچ اُوہ ݙاڈھی زخمی تھئی، اُوں ویلے آپݨی سہیلی ڈاکٹر عرفانہ ملاح دے نال سفر کرین٘دی پئی ہَئی۔