امریکہ وِچ زنانیت

امریکا وچ نسائیت توں مراد اوہ تحریکیں ہن جنھاں دا مقصد امریکا وچ خواتین دے حقوق دی تعریف، شعور تے آگاہی تے دفاع کرݨ ہے۔ انھاں وچ مساوی مواقع دے نال مساوی سیاسی، معاشی تے معاشرتی حقوق دا حصول وی شامل ہے۔ ایہ امریکی معاشرے وچ حقوق نسواں دی باقاعدہ کوشش ہے۔ تحریک نسائیت نے امریکی سیاست کوں شدید متاثر کیتا ہے۔ امریکا وچ تاریخی طور تے نسائیت کوں چار لہراں وچ تقسیم کیتا ویندے: نسائیت دی پہلی لہر، ݙوجھی لہر، تریجھی لہر تے نسائیت دی چوتھی لہر۔ ورلڈ اکنامک فورم دے ذریعے ممالک دے 2017 صنف گیپ انڈیکس پیمائش دے مطابق، صنفی مساوات تے امریکا 49ویں نمبر تے ہے۔

زنانیت دی پہلی لہر

امریکا وچ نسائیت دی پہلی لہر دا آغاز سنیکا فالز اجلاس نال تھیا جیہڑا عورتاں دے حقوق دا پہلا اجتماع ہئی جو سنیکا فالز، نیویارک، امریکا وچ منعقد تھیا۔ ایندے اجلاس ݙو ݙینہہ یعنی 19 تے 20 جولائی 1848ء کوں منعقد تھئے۔ ایہ اجلاس چھ نشستاں تے مشتمل ہئی، جنھاں وچ قانون تے ہک لیکچر تے معاشرے وچ عورتاں دے کردار دے حوالے نال کئی مباحثے شامل ہن۔ ایہ اجلاس 1840ء وچ لندن وچ منعقدہ عالمی غلامی مخالف اجلاس توں متاثر تھی کے منعقد کیتا ڳیا ہئی۔ ایں اجلاس وچ الزبیتھ سٹینٹن تے لکریشیا موٹ نے ݙوجھیاں عورتاں دے نال مل کے اسمبلی وچ عورتاں کوں شامل نہ کرݨ دے حوالے نال احتجاج وچ حصہ گھدا ہئی۔ الزبیتھ سٹینسن نے 1848ء وچ لکریشیاموٹ تے ٻہوں ساریاں ݙوجھیاں عورتاں دے نال مل کے سنیکا فالز اجتماع منعقد کیتا تے ایندے بعد کتاب "جذبات دا اعلامیہ" لکھی جیہڑا عورتاں دے حق رائے دہی تحریک دا نقطۂ آغاز ہئی۔

زنانیت دی ݙوجھی لہر

نسائیت دی ݙوجھی لہر نسائیتی تحریک انیہویں صدی دی چھٹی دہائی وچ ریاستہائے متحدہ امریکا وچ شروع تھئی۔ ریاستہائے متحدہ امریکا وچ ایہ لہر انیہویں صدی دی اٹھویں دہائی تک چلی۔ بعد وچ ایہ ہک بین الاقوامی تحریک دی شکل اختیار کر ڳئی۔ پہلی لہر دی توجہ زیادہ تر حقوق رائے دہی دی تحریک تے قانونی رکاوٹاں کوں دور کرݨ دی طرف ہئی تاکہ صنفی تضاد ختم تھی سڳے۔ جیویں جو حق رائے دہی، جائداد دے حقوق وغیرہ، جݙاں جو ݙوجھی لہر نے بحث کوں وسیع کیتا تے نویں معاملات جیویں جو جنسیت، خاندان، کم دی جاہ، افزائش دے حقوق، ڈی فیکٹو امتیازات تے سرکاری قانونی امتیازات کوں ایں تحریک وچ شامل کیتا۔ نسائیت دی ݙوجھی لہر نے گھریلو تشدد تے جنسی زیادتی دے مسائل دی طرف وی توجہ ݙتی۔ ایندے علاوہ زبردستی دی خطرناک صورت حال تے طلاق دے قوانین وچ تبدیلی دے حوالے نال کم کیتا۔

شمالی امریکا وچ نسائیت دی ݙوجھی لہر ݙوجھی جنگ عظیم دے بعد عورتاں دی نویں گھریلو زندگی دے خلاف تاخیری رد عمل دے طور تے سامݨے آئی۔