امریش پوری

امریش پوری Amrish Puri
(ہندی : अमरीश पुरी)
امریش پوری
معلومات شخصیت
ڄمݨ	22 جون 1932(1932-06-22) لاہور، صوبہ پنجاب، برطانوی ہند
وفات	12 جنوری 2005(2005-10-12) (عمر  72 سال) ممبئی، مہاراشٹر، بھارت
وجہ وفات	دماغی جریان خون
طرز وفات	طبعی موت
شہریت	بھارت (1947–) برطانوی ہند (–1947) ڈومنین بھارت
قد	1.75 میٹر
ذال	ارمیلا دیویکر (1957–2005) (وفات)
ٻال	راجیو (بیٹا) نمرتا (بیٹی)
ٻال	2
ٻھیݨ بھرا	مدن پوری ،  چمن پوری
عملی زندگی
کم	اداکار
پیشہ ورانہ زبان	ہندی ،  ملیالم ،  تیلگو
دور فعالیت	1970–2005
اعزازات
فلم فیئر اعزاز برائے بہترین معاون اداکار (1986) سنگیت ناٹک اکادمی ایوارڈ   (1979)
دستخط
امریش پوری کے دستخط امریش پوری کے دستخط
	IMDB پر صفحات

امریش پوری (ڄَمݨ دی تریخ: 22 جون 1932ء - وفات دی تریخ: 12 جنوری 2005ء) بالی وڈ دے منفی کردار کرݨ آلے مشہور اداکار ہن۔ انہاں اپݨی فلمی زندگی دا آغاز انیس سو اکہتر وچ فلم ’ریشماں اتے شیرا‘ توں کیتا۔ اوہ آرٹ فلماں دے مشہور اداکار اوم پوری دے بھرا ہن اتے شروع وچ فلماں وچ ہیرو دے طور تے کم کرݨ چاہندے ہن۔ ہیرو بݨݨ دے خواب ݙیکھݨ آلے امریش پوری نے بطور ہیرو اسکرین ٹیسٹ ݙتا اتے ناکام رہے لیکن پروڈیوسرز نے انہاں کوں ولن دے روپ وچ کاسٹ کرݨ دا فیصلہ کیتا۔ بالی وڈ وچ فلمی ولن دے کردار دے طور تے انہاں اپݨی صلاحیتاں دا لوہا کئی سالاں تائیں منوایا۔ انیس سو ستاسی وچ بݨݨ آلی فلم ’مسٹر انڈیا‘ وچ اپݨے ہک کردار ’موگامبو‘ دی وجہ توں امریش پوری کوں ہمیشہ دی شہرت ملی۔ ایندے علاوہ انہاں کوں اَسی اتے نوے دے ݙہاکے وچ فلم ’ودھاتا‘، ’پھول اتے کانٹے‘ اتے ’دل والے دلہنیا لے جائیں گے‘ دے حوالے نال وی ٻہوں شہرت ملی۔ دسمبر وچ ریلیز تھیوݨ آلی فلم ’ہلچل‘ انہاں دی آخری وݙی فلم ہئی۔

امریش پوری نے ہالی وڈ دیاں کئی فلماں وچ وی کم کیتا جِنہاں وچ انیس سو چوراسی وچ ہالی وڈ دے مشہور ہدایت کار اسٹیون اسپلبرگ دی فلم ’انڈیانا جونز اینڈ دی ٹیمپل آف ڈوم‘ دی وجہ توں انہاں کوں بین الاقوامی سطح تے شہرت ملی۔ امریش پوری نے رچرڈ اٹینبرا دی فلم ’گاندھی‘ وچ ہک عام کردار ادا کیتا۔ دماغ دی شریان پھٹ ونڄݨ دی وجہ توں بمبئی وچ انتقال کر ڳئے۔

کیرئیر

تھیٹراں اتے کجھ ہک کرداراں دے بعد انہاں کوں 39 سال دی عمر وچ 1971ء وچ فلم “ریشماں اتے شیرا” ملی۔ انہاں آرٹ فلماں سمیت 400 توں ودھ فلماں وچ کم کیتا، ہندی، پنجابی، تیلگو، تامل اتے انگریزی فلماں (جیویں جو انڈیانا جونز، ٹیمپل آف ڈوم) وچ اداکاری دے جوہر ݙکھائے، انہاں کوں بالی وڈ دی تاریخ دا سب توں بہترین ولن آکھیا ونڄے تاں غلط نہ ہوسی۔ بھاری آواز، غضبناک اکھیں اتے بے مثال اندازِ گفتگو انہاں دی شخصیت کوں ٻیا وی پررعب بݨا ݙیندا ہئی۔ 55 سال دی عمر وچ انہاں نے “موگیمبو” دا کردار کیتا۔ انہاں دا اے ڈائیلاگ “موگیمبو خوش ہوا” ٻہوں مشہور تھیا۔ فلم “دل والے دلہنیا لے جائیں گے” وچ کاجول دے پیو دا کردار انہاں ٻہوں سوہݨے انداز وچ نبھایا، “جا سمرن جا” ڈائیلاگ وی مشہور تھیا۔ امریش پوری نے کئی طرح دے کردار کیتے اتے اپݨے آپ تے صرف ولن دی چھاپ نہ لڳݨ ݙتی، ایندے باوجود اوہ اڄ وی بھارتی سنیما دے بہترین ولنز وچ شمار تھیندن۔ نصیب، ودھاتا، میری جنگ، مسٹر انڈیا، کرن ارجن، گھاتک، دامنی، پردیس، کوئلہ، بادشاہ، چائینا گیٹ، چاچی چار سو بیس، وراثت، تال، نائیک، غدر، مسکراہٹ، نگینہ، دل جلے سوداگر، دیوانہ وغیرہ وچ یادگار کردار نبھائے۔ 2005 انہاں دی زندگی دا آخری سال ثابت تھیا۔ وراثت، گھاتک، میری جنگ وچ فلم فئیر ایوارڈز حاصل کر چکے ہن۔