امریتا پوری

امرتا پوری
معلومات شخصیت
ڄم	20 اگست 1983ء (42 سال)  ممبئی
شہریت	بھارت
عملی زندگی
پیشہ	ادکارہ
پیشہ ورانہ زبان	ہندی
	IMDB پر صفحہ

امریتا پوری ہک بھارتی اداکارہ ہن جنھاں نے اپݨی فلمی شروعات رومانوی مزاحیہ ڈراما "عائشہ" (2010ء) نال کیتی، جیندے کیتے انھاں کوں بہترین معاون اداکارہ تے بہترین نویں تریمت اداکارہ دے فلم فیئر ایوارڈ دی نامزدگی ملی۔ امریتا پوری کوں اپݨی پہلی تجارتی کامیابی ترائے سال بعد فلم "کائی پو چے" (2013ء) توں ملی۔

کیریئر

اپݨی پوسٹ گریجویشن مکمل کرݨ دے بعد امریتا پوری نے لکھݨ تے تھیٹر وچ کم کرݨ نال اپݨے کیریئر دا آغاز کیتا۔ ایندا پہلا ڈراما کیسر ٹھاکور پدمسی دا انگریزی ڈراما "ریٹیلینگز ویو فرام دا اسٹیج" (Retellings View From The Stage) ہئی۔ہک سال تک انھاں نے لائف اسٹائل میگزین کیتے فری لانسنگ دے نال ایڈورٹائزنگ ایجنسی اوگلوی کیتے مضامین تے متفرق اصناف کیتے اپݨی تحریری خدمات ݙتیاں۔ دلیپ بھاٹیہ دے ذریعے اپݨا پورٹ فولیو مکمل کرݨ دے بعد انھاں نے فیچر فلموں تے اشتہاری فلمیں کیتے آزمائشی امتحان ݙیوݨ شروع کیتے۔ جلدی ہی انھاں نے اپݨا پہلا اشتہار کوٹیکس کیتے کیتا تے ولا پیپل فرسٹ، گارنیئر تے لوریل سمیت متعدد برانڈز دے اشتہارات تے ٹی وی اشتہارات وچ نمایاں تھئین۔

کئی فلماں کیتے کم حاصل کرݨ دی کوشش دے بعد بالآخر امریتا پوری نے بالی ووڈ فلمیں وچ راج شری اوجھا دی "عائشہ" (2010ء) نال آغاز کیتا۔ رومانوی کامیڈی ڈراما فلم "عائشہ"، جیندے وچ سونم کپور، ابھے دیول، ایرا دوبے، سائرس سہوکر، آنند تیواری، ارونودے سنگھ تے لیزا ہیڈن شریک اداکار ہن۔ امریتا پوری نے شیفالی ٹھاکر دا کردار ادا کیتا جیہڑا سونم کپور دے کردار دی ساتھی ہئی۔ فلم دے نال نال ایندی کارکردگی کوں وی ناقدین دی جانب توں مثبت جائزے ملیے، ایہ فلم کامیاب ثابت تھئی۔ 56ویں فلم فیئر ایوارڈز وچ امریتا پوری نے 2 نامزدگیاں حاصل کیتیاں، بہترین نویں تریمت اداکارہ تے بہترین معاون اداکارہ۔

فلم "عائشہ" تے شائقین دے اعتدال پسند رد عمل دے بعد، امریتا پوری وشال مہادکر دی ہدایت کاری وچ بݨݨ آلی پہلی جرم تے مبنی سنسنی خیز فلم "بلڈ منی" (2012ء) وچ کنال کھیمو دے نال نظر آئین۔ اینہہ فلم وچ انہاں نے کنال دی بیوی دا کردار ادا کیتا جینکوں ناقدین دی جانب توں ملیا جلیا رد عمل ملیا۔

ذاتی زندگی

امریتا پوری ممبئی، ہندوستان وچ رہندین، اوہ ایچ ڈی ایف سی بینک دے ایم ڈی آدتیہ پوری دی دھی ہن۔

فلمیں

• عائشہ
• بلڈ منی
• کائی پو چے
• جج مینٹل ہے کیا
• کلین (مختصر فلم)