امداد حسین ہمدرد

اصل ناں      امداد حسین

تخلص        ہمدردؔ   

جمن          1982ء   

تعلیم         ایف اے

پیشہ         ملازمت    

فون نمبر      03047002512

جاہ پتہ       جناح کالونی غازی ملز ڈیرہ غازیخان

امداد حسین ہمدرد ڈیرہ غازیخان دے نوجوان شاعر ہن۔ہمدرد صاحب دے بقول اوہ حصارِ ادب ڈی جی خان دے ڈویژنل صدر ،سرائیکی ادبی سبدھ تونسہ دے سیکرٹری نشر و اشاعت تے انہاں اپنے ناں نال وی ہک ادبی تنظیم ،ہمدرد سرائیکی ادبی سنگت قائم کیتی ہوئی ہے۔علاوہ ازیں انہاندا شعری مجموعہ ’’پلکیں تے اسمان‘‘زیرِ طبع ہے۔سئیں ہمدرد دا غزلیہ کلام بطور نمونہ حاضر ہے۔

غزل

اکھ دے وچ طوفان کھڑا ہے      جئیں بخشے احسان کھڑا ہے

ہنجوں اَکھ اچ، اَکھ تے پلکاں      پلکیں تے اسمان کھڑا ہے

لحظہ کھن تاں چھاں بخشو چا     چٹکے تے مہمان کھڑا ہے

سائل در توں خالی ول گئے      روندا در دربان کھڑا ہے

بندا کئی ہمدردؔ میڈا نئیں     دل وچ تہوں ارمان کھڑا ہے

___________________

؎پاگل ہوا کوں آکھو      پاگل دے گل نہ پووے

دکھدی کوں توں بکھا نہ        بکھدی اے بل نہ پووے

٭٭٭