امتیاز حسین ظفر
اصل ناں امتیاز حسین
قلمی ناں امتیاز ظفرؔ
ڄمݨ 1988ء
تعلیم پرائمری
پیشہ محنت مزدوری
فون نمبر 0302 4688861
جاہ پتہ ستلج روڈ ویرسی واہݨ میلسی ضلع وہاڑی
شعری مجموعہ’’رَل وسوں‘‘ دے خالق امتیاز ظفر ؔ دے حوالے نال جہانگیر مخلص لکھدن جو’’ ظفر حیاتی دے ورت ورتاوے وچ انسان دے ہر رویے کوں نشابر کیتے، اتے اپݨے نال گٖنڈھیل ہر کردار نال سچیاں تے کھریاں گٖالھیں کریندے۔ ظفر اپݨی شاعری وچ آلس ، دود تے چپ چندرائی کوں جوان دی شان دے خلاف اتے ہڈٖ بھن پورھیت نینگر دا کھٹیا وٹیا پورھیا ، ترکہ اتے اوندی محنت کوں جیوݨ جوگٖ نال تشبیہ ڈٖیندے ۔نمونہ کلام۔
(1)غزل
[لکھو | ماخذ وچ تبدیلی کرو]آوو پیار دے ڈٖیوے بٖالوں
نفرت وچ نہ عمراں گٖالوں
جاجا لاوو پیار دے بٖوٹے
نفرت دی کئی ولھ نہ پالوں
ہک ڈٖوجھے کوں ہاں نال لاکے
ہک بٖئے دے ہُݨ ڈٖکھڑے ٹالوں
لوکو! اپݨے حق دی خاطر
ہُݨ تاں جاگٖوں اکھیاں بھالوں
غربت آن ظفر کوں رڑکا
تھی گٖئے حال کنوں بے حالوں
(2)غزل
[لکھو | ماخذ وچ تبدیلی کرو]کوئی سجدہ ادا کرݨاں نہ بھلیں
میڈٖا بٖچڑا وفا کرݨاں نہ بھلیں
نحق جیکر کوئی تہمت چمباڑے
اوندے حق اچ دعاء کرݨاں نہ بھلیں
تیڈٖے گھر آوݨاں ہووے جے دشمݨ
اوندا رستہ صفا کرݨاں نہ بھلیں
ملن تیکوں اگر ہیر ے، جواہر
غریباں کوں عطا کرݨاں نہ بھلیں
ظفر چاہندا ہیں جے توں شان شوکت
بزرگاں دا حیا کرݨاں نہ بھلیں