امام علی الرضا
امام علی الرضا
Imam Ali Al-Raza | |
 | |
| ڄم پل: | 12 اپریل 770ء ، مدینہ منورہ |
| وفات: | 5 ستمبر 818ء (48 سال) ، طوس |
| مزار اقدس : | مشہد ، ایران |
| حیثیت : | اٹھویں شیعہ اثناعشری امام |
امام علی رضا علیہ السلام، جنہاں کوں امام رضا دے ناں نال وی ڄاݨا ویندے، اٹھویں اثناعشری شیعہ امام ہن۔ او 11 ذی القعدہ 148 ہجری کوں مدینہ منورہ وِچ پیدا تھئے۔ امام موسیٰ کاظم علیہ السلام اوہناں دے والد ہن تے فاطمہ بنت علی اوہناں دی والدہ ہن۔
حیات مبارکہ
[لکھو | ماخذ وچ تبدیلی کرو]امام رضا علیہ السلام دی زندگی علمی، روحانی تے سیاسی خدمات نال بھری ہوئی ہے۔ او ٻہوں وݙے عالم ہن تے علم تے حکمت دے میدان وِچ اوہناں دا مقام ٻہاوں بلند ہے۔ اوہناں دے دور وِچ اسلامی معاشرے وِچ علمی تے ثقافتی ترقی دا دور دورہ ہئی۔
امام رضا علیہ السلام کوں عباسی خلیفہ مامون الرشید نے اپݨے دارالحکومت مَرو (ایران) سݙ گھدا تے انہاں کوں اپݨا ولی عہد مقرر کیتا۔ اے فیصلہ سیاسی وجوہات دی بناء تے کیتا ڳیا ہئی، کیوں جو مامون چاہندا ہئی جو او شیعاں دے درمیان اپݨی حکومت کوں مضبوط کرے۔ امام رضا علیہ السلام نے اے عہدہ قبول کرݨ وِچ بہوں احتیاط دا مظاہرہ کیتا تے آخر کار مجبوراً قبول کر گھدا۔
امام رضا علیہ السلام نے اپݨے دور وِچ بہوں سارے علمی تے مذہبی مباحثے کیتے تے لوگاں کوں اسلامی تعلیمات سمجھاوݨ وِچ بہوں وݙا کردار ادا کیتا۔ اوہناں دی زندگی دا بیشتر حصہ تبلیغ دین تے لوگاں دی رہنمائی وِچ گزریا۔
شہادت
[لکھو | ماخذ وچ تبدیلی کرو]امام رضا علیہ السلام دی شہادت 29 صفر 203 ہجری کوں مرو وِچ تھئی۔ اوہناں کوں زہر ݙے کے شہید کیتا ڳیا۔ اوہناں دا مزار مشہد، ایران وِچ واقع ہے تے ہر سال ہزاراں زائرین اوہناں دے مزار تے حاضری ݙیوݨ آندن۔
امام رضا علیہ السلام دی زندگی صبر، استقامت، علم تے تقویٰ دی بہترین مثال ہے۔ اوہناں دے اقوال تے تعلیمات ہن وی لوگاں کیتے رہنمائی دا ذریعہ ہن۔
حوالے
[لکھو | ماخذ وچ تبدیلی کرو]- ↑ تحقیق، اسماعیل بھٹہ