امامہ بنت حمزہ
| امامہ بنت حمزہ | |
|---|---|
| معلومات شخصیت | |
| پیدائش | 595 |
| وفات | 630 |
| دیگر نام | بنت حمزہ |
| شریک حیات | سلمہ بن ابی سلمہ |
| اولاد | لاولد |
| پِیؤ ماں |
|
| ابا | حمزہ بن عبد المطلب |
| امّاں | سلمیٰ بنت عمیس |
| ٹٻّر | بنو ہاشم |
| عملی زندگی | |
| وجہ شہرت | محمد صلی اللہ علیہ وسلم دی صحابیہ اتے پتریر |
درستی - ترمیم  | |
امامہ بنت حمزہ (وفات: ستویں صدی عیسوی، بمقام مدینہ منورہ) عہد نبوی وِچ موجود مشہور صحابیہ ہَن۔ امامہ دے پِیؤ حمزہ بن عبد المطلب اَتے امّاں سلمیٰ بنت عمیس ہَن۔ امامہ عہدِ نبوی اَتے عہدِ صحابہ دی ہِک مہان٘دری شخصیت ہَن۔
ناں تے نسب
[لکھو | ماخذ وچ تبدیلی کرو]سیّد ہ امامہ دے پِیؤ حمزہ بن عبد المطلب ہِن اَتے امّاں سلمیٰ بنت عمیس ہن۔ امامہ محمد صلی اللہ علیہ وآلہ وسلم دی پتریر ہَن۔ ابن حجر عسقلانی نے انّھاں دے اݨ ڳِݨَت ناں نقل کِیتے ہِن جنّھاں وِچ عمارہ، فاطمہ، امامہ، امۃ اللہ اتے سلمیٰ وغیرہ ناں رلّے ہوئے ہِن اَتے لکّھا ہِے جو اوّل الذکر ناں یعنی عمارہ ڈھیر معروف ہِے۔[١] انجو انج سیرت نگاراں نے وی اِنّھاں دے ناں دی صراحت کیتی ہے جو اُنّھاں دا اصل ناں عمارہ ای ہَئی[٢]۔ سلمیٰ بنت عمیس دی ڳݨتری اُنّھاں زنانیاں وِچ تِھین٘دی ہِے جنّھاں نے دین اسلام دی اَغازی تبلیغ دے ݙیہاڑیاں وِچ اسلام کوں مَنّیا اَتے جنّھاں زنانیاں کوں محمد صلی اللہ علیہ وسلم نے "الاخوات مومنات" دا خطاب عطاء کِیتا یعنی "مسلمان بھیݨیں"[٣]۔ سلمیٰ بنت عمیس امّاں دی طرفوں اُم المومنین میمونہ بنت حارث اَتے ام الفضل زوجہ عباس بن عبد المطلب دی بھیݨ ہَن۔ حمزہ بن عبد المطلب کنوں سیّدہ امامہ ڄَمّے ہَن۔ غزوہ احد شوال 3 ہجری وِچ حضرت حمزہ بن عبدالمطب شہید تھی ڳئے تاں سلمیٰ بنت عمیس نے شداد بن الہاد اللیثی نال نکاح کِیتا اَتے اُنّھاں کنوں عبداللہ اَتے عبد الرحمٰن ڄمّے ہَن جنّھاں دے ناں اُتّے اُنّھاں نے آپݨی کُنیّت رکّھی[٤]۔