الہ آباد
ایہ قصبہ جیں ریاست بہاولپور دی تعمیر اچ سنگ بنیاد دا کم ݙتا۔ لیاقت پور ریلوے اسٹیشن توں چار میل پوادھی آلے پاسے واقع ہے۔ نواب صادق محمد خان اول کوں ملتان دے حاکم نواب حیات اللہ خان 1728ء اچ چوہدری ( موجودہ آلہ آباد) دا علاقہ بطور جاگیر عطا کیتا۔ جتھاں انہاں ایہ شہر آباد کیتا۔ ایہ سابق ریاست بہاولپور دا پہلا شہر ہا جیڑھا ضلع رحیم یارخان دی حدود اچ تعمیر تھیا ہا۔ چوہدری ناں دا ریلوے اسٹیشن ایں صدی دے ادھ تئیں قائم ریہا۔ پاکستان دے پہلے وزیراعظم نواب زادہ لیاقت علی خان 1949ء اچ ریاست دے دورے تے آئے تاں انہاں دے ایں دورے دی یادگار دے طور تے چوہدری ریلوے اسٹیشن دا ناں تبدیل کر تے لیاقت پور رکھ ݙتا ڳیا۔ ایہ ریلوے اسٹیشن لاہور، کراچی مین ریلوے لائن تے واقع ہے۔ آلہ آباد دے موضع ترنڈہ گرگیج اچ پیر صدر الدین دی خانقاہ ہے جیڑھی 716ھ اچ فرخ آباد ( بھارت ) توں اتھاں تشریف گھن آئے۔ آلہ آباد دی اہم ترین سیاسی شخصیت حاجی سیف اللہ ہن جیڑھے 1970-77ء اچ پنجاب اسمبلی دے ممبر رہ چکے ہن۔ آپ ایں علاقے اچ تعمیر و ترقی اچ نمایاں خدمات سر انجام ݙتیا ں ہن۔اتھاں سئیں صالح الہ آبادی سمیت وݙے وݙے شاعر ، ادیب تے دانشور پیدا تھئے ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء