الطاف پروازؔ

الطاف پروازؔ

1955ء تا 2008ء

الطاف پرواز دا تعلق عباسی خاندان نال ہا ، اوہ صوفی عبدالستار عباسی دے گھر ڈیرہ نواب صاحب اچ پیدا تھئے۔ تے 15مئی2008ء کوں ڈیرہ نواب احمد پور شرقیہ وچ وفات پاگٖئے ۔

نمونہ کلام

(1)غزل

میں تاں مر مر تے مُک مُک تے ڈٖیہدا ریہاں

تیکوں تئیں کولوں لُک لُک تے ڈٖہدا ریہاں

تیڈٖا پندھ ہا جو جوں جوں اگٖونہاں ریہا

میں تاں تھل اچ وی مُک مُک تے ڈٖہدا ریہاں

پانْی پیونْ دا میکوں کتھاں ہوش ہا

تیکوں ہر ساہ تے بُٖک بُٖک تے ڈٖہدا ریہاں

کتھاں لُکیا ریہا ہیں توں چوڈٖی دا چن

میں تاں انگٖلیں کوں ٹُک ٹُک تے ڈٖہدا ریہاں

وچ تیڈٖے پیار دے اپنْی پروازؔ کوں

دل دے تیشے دی ٹھُک ٹھُک تے ڈٖہدا ریہاں

؎روپ مجنوں دا وٹا تے وی سدا خوش رہنداں

بنْ تے لیلٰی اے رجھاونْ وی ہنر میڈٖا ہے