الطاف شاہ
اصل ناں الطاف حسین
قلمی ناں الطاف شاہ
جمن 1966
پیشہ طِب
جاہ پتہ دربار حاجی شیر ،ڈاکخانہ سرائے سدھو تحصیل کبیر والا ضلع خانیوال
غزل
[لکھو | ماخذ وچ تبدیلی کرو]وفاواں تے اوندی جفا ہسدی رہی اے
تے سر سٹ تے میڈی انا ہسدی رہی اے
ہجر دے تھلاں وچ رُلا تے اساکوں
اساڈے رُلن تے قضا ہسدی رہی اے
نہ اندازِ بندگی، نہ منگن دا ڈھنگ ہے
میڈے پگلے پن تے دعاء ہسدی رہی اے
زباناں تے حالات جندرے چا لائے
اے چپ ڈیکھ تے تہوں صدا ہسدی رہی اے
پئے شاخاں توں الطافؔ پھل روز جھڑدے
چمن دی شکستہ فضا ہسدی رہی اے
_______________________
کھا گئے آساں دے سجھ کوںسوچ کالی دے بدل
چھا گیا خوشیاں تے ڈینہ چٹے ،ہنیرا رات دا
سج کے آیاہے میڈی میّت اُتے اِنج غمگسار
سج کے آندا ہے جیویں دولہا کوئی بارات دا
٭٭٭