الحان عمر

الحان عمر
(انگریزی میں: Ilhan Omar)
معلومات شخصیت
پیدائش	4 اکتوبر 1982ء (43 سال)  موغادیشو
رہائش	منیاپولس
شہریت	ریاستہائے متحدہ امریکا (2000–) صومالیہ
مذہب	اسلام
جماعت	مینیسوٹا ڈیموکریٹک۔ کسان - لیبر پارٹی ڈیموکریٹک پارٹی
رکنیت	کانگریسنل بلیک کاکس
مناصب
نمایندہ ریاست ہائے متحدہ
رکنیت مدت 3 جنوری 2019  – 3 جنوری 2021
پارلیمانی مدت	116ویں ریاست ہائے متحدہ کانگریس
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" کیتھ ایلیسن
نمایندہ ریاست ہائے متحدہ
رکنیت مدت 3 جنوری 2021  – 3 جنوری 2023
پارلیمانی مدت	117ویں ریاست ہائے متحدہ کانگریس
نمایندہ ریاست ہائے متحدہ
آغاز منصب 3 جنوری 2023
عملی زندگی
مادر علمی	شمالی ڈکوٹا اسٹیٹ یونیورسٹی (–2011)
تعلیمی اسناد	بی اے
پیشہ	سیاست دان ،  سرکاری ملازم ،  حقوق نسوان کی کارکن
پیشہ ورانہ زبان	انگریزی ،  صومالی زبان
اعزازات
اوکے افریقا 100 خواتین (2019) اوکے افریقا 100 خواتین (2017)
ویب سائٹ
ویب سائٹ	باضابطہ ویب سائٹ،  باضابطہ ویب سائٹ
	IMDB پر صفحہ

الہان عبد اللہ عمر یا الھان عمر (عربی: إلهان عمر) (جم 4 اکتوبر 1982ء) ہک امریکی سیاست دان زنانی ہِن جیڑھی 2019ء توں پنجویں منی سوٹا کانگریشنل ڈسٹرکٹ کِیتے امریکی نمائندے دے طور تے خدمتاں انجام ڈیندی پئی ہِن۔ انّھاں ڈیموکریٹک – فارمر – لیبر پارٹی دی رکن ہِن۔ کانگریس اچ اپݨے چُݨاوݨ توں پہلے، الحان عمر نے 2017ء توں 2019ء تائیں مینیسوٹا ہاؤس آف ریپریزنٹیٹوز اچ خدمتاں انجام ڈِتیاں، جیڑھی منیپولس دے حصے دی نمائندگی کریندی ہَئی۔ انّھاں دے کانگریشنل ڈسٹرکٹ اچ سارا منیاپولس تے انّھاں دے حلقہ اول دے مضافات وِچوں کجھ شامل ہِن۔

الحان عمر کانگریس پروگریسو کاکس دے اُچے عہدیدار دے طور تے کم کریندی ہِن تے انّھاں نے $15 دی گھٹ توں گھٹ اجرت، یونیورسل ہیلتھ کیئر، طالبعماں دے قرضے معاف کرݨ، کم عمری ڈیفرڈ ایکشن دے تحفظ تے یو ایس امیگریشن اینڈ کسٹمز انفورسمنٹ کوں ختم کرݨ دی وکالت کِیتی ہِے۔ اسرائیل تے اڳوں توں تنقید کرݨ کِیتے، الحان بائیکاٹ، ڈیویسٹمنٹ اینڈ سینکشنز (BDS) دے ناں نال تحریک دی حمایت کریندی ہِن تے انّھاں دی آبادکاری دی پالیسی تے مقبوضہ فلسطینی علاقیاں اچ فوجی مہمات دی مذمت کریندی ہِن، انّھاں حملیاں کوں اسرائیل نواز لابیاں دے اثر و رسوخ دا نتیجہ قرار ڈیندی ہِن۔

الحان عمر پہلی صومالی امریکی تے ریاستہائے متحدہ کانگریس اچ افریقی پیدائش دی پہلی خالص شہری ہِن تے مینیسوٹا دی نمائندگی کرݨ والی پہلی غیر سفید فام زنانی ہِن۔ انّھاں کانگریس اچ خدمتاں انجام ڈیوݨ والیاں پہلی دو مسلم زنانیاں (راشدہ طلیب دے نال) وِچوں ہک ہِن۔ انّھاں کُوں ڄُمھاں موت دیاں دھمکیاں، سیاسی مخالفین دے ہراساں کرݨ تے ڈونلڈ ٹرمپ دے جھوٹے تے گمراہ کن پروپیگنڈیاں دا نشانہ بݨائے ڳئے۔

ابتدائی حیاتی تے تعلیم

الحان عمر 4 اکتوبر 1982ء کوں موغادیشو، صومالیہ اچ ڄَمّی ہَن تے انّھاں نے اپݨے شروع دے سال بیدوا، صومالیہ اچ گُزارے۔ انّھاں ستاں بھیݨ بھراواں وِچوں سبھ توں چھوٹی ہَن جنّھاں وِچ بھیݨ ساحرہ نور ہَئی۔ انّھاں دے پیو، نور عمر محمد، شمال مشرقی صومالیہ دے مجیرتین قبیلے نال تعلق رکھݨ والے ہک قدیم صومالی ہَن، صومالی فوج اچ سیاد بیرے دے ماتحت ہَن تے ہک استاد ٹرینر دے طور تے وی کم کریندے ہَن۔ انّھاں دی ماں، فدھما ابوبکر حاجی حسین، ہک بینادیری (یمنی قوم نال جزوی تعلق رکھݨ والی)، دا انتقال تِھئیا ہَئی جݙݨ الہان دو سال دی ہَن ۔ انّھاں دی پرورش انّھاں دے پیو تے دادا نے کِیتی، جیڑھے اعتدال پسند سنی مسلمان ہَن جیڑھے اسلام دے سخت گیر وہابی فرقے دے مخالف ہَن۔ انّھاں دے دادا ابوبکر صومالیہ دے نیشنل میرین ٹرانسپورٹ دے ڈائریکٹر ہَن تے الحان عمر دے کجھ چاچے تے خالہ وی سرکاری ملازمین تے استاداں دے طور تے کم کریندے ہَن۔ انّھاں تے انّھاں دا خاندان صومالیہ دی خانہ جنگی توں بچݨ کِیتے صومالیہ کوں خدا حافظ آکھ کے صومالی سرحد دے نیڑے کینیا دی گاریسا کاؤنٹی اچ واقع داداب پناہ گزین کیمپ اچ منتقل تِھئی ڳیا تے انّھاں نے اتھاں چار سال گُزارے۔

الحان عمر دے خاندان نے امریکا اچ سیاسی پناہ گِھدّی تے 1995ء اچ نیو یارک پُجّے، ول کجھ عرصہ ارلنگٹن، ورجینیا اچ رہے، منیاپولس اچ منتقل تِھیوݨ تے آباد تِھیوݨ توں پہلے، جتھاں انّھاں دے پیو نے پہلے ٹیکسی ڈرائیور دے طور تے تے بعد اچ پوسٹ آفس کِیتے کم کِیتا۔ انّھاں دے پیو تے دادا نے پرورش دے دوران جمہوریت دی اہمیت تے زور ݙِتّا تے 14 سال دی عمر اچ انّھاں اپݨے دادا دے نال کاکس دے اجلاساں اچ ویندی ہَئی تے انّھاں دے ترجمان دے طور تے کم کریندی ہَئی۔ انّھاں نے سکول دی غنڈہ گردی دے بارے اچ آواز چاتّی جیڑھا انّھاں کوں ورجینیا اچ اپݨے ویلے دوران پیش آیا، جیڑھا انّھاں دی خاص صومالی شکل تے حجاب دی وجہ توں ہَئی۔ انّھاں کوں یاد ہِے جو انّھاں دے حجاب اچ چیونگم لا ݙِتّا ونڄݨا، سیڑھیاں توں دھکّا ݙِتّا ونڄݨا تے جݙݨ او جم کلاس کِیتے کپڑے بدلݨ ویندی ہَن تاں جسمانی طعنے ملدے ہَن۔ الحان عمر کوں انّھاں واقعات تے اپݨے پیو دا رد عمل یاد ہِے: "او تہاݙے نال کجھ کریندے پئین کیوں جو او تہاݙے وجود نال کہیں نہ کہیں طرح خطرہ محسوس کریندن۔" الحان 2000ء اچ اُوں ویلے امریکی شہری بݨ ڳئی جݙݨ او 17 سال دی ہَن۔

الحان عمر نے تھامس ایڈیسن ہائی اسکول اچ تعلیم گِھدّی، جتھوں انّھاں نے 2001ء اچ گریجویشن کِیتا تے ہک طالب علم دے منتظم دے طور تے رضاکارانہ خدمتاں انجام ݙِتیاں۔ انّھاں نے 2011ء اچ نارتھ ڈکوٹا اسٹیٹ یونیورسٹی توں بیچلر ڈگری دے نال گریجویشن کِیتا، پولیٹیکل سائنس تے انٹرنیشنل اسٹڈیز اچ اہم تعلیم گِھدّی۔ الحان عمر مینیسوٹا یونیورسٹی دے ہمفری اسکول آف پبلک افیئرز اچ پالیسی فیلو ہَن۔

الحان پیرس وِچ جان سلیوان دے نال مینیسوٹا کی ورلڈ فیئر بڈ کمیٹی دے رکن دے طور تے