اقرار عاصی

اصل ناں       اقرار حسین

قلمی ناں       اقرار عاصیؔ

جٖمنْ           1965ء

تعلیم           انْ پڑھ

پیشہ            مزدوری

فون نمبر        0335 1838636

جاہ پتہ         روجھان مزاری ضلع راجن پور

غزل

گزریئے خواب خیال پئے روندن

اُجٖڑیے در درسال پئے روندن

سُنجٖ ہے روہی بٖیلے بر ہن

ڈھکّاں کر کر مال پئے روندن

ٹوبھیں وانگوں ہنجھوں سُک گٖن

نینْ وی ہُنْ رت لال پئے روندن

اے سر کانے ، لائیاں ، لانْے

در دے سُکّے جٖال پئے روندن

چڑیاں ول نئیں آلھنْاں پایا

عاصیؔ چوں چوں بٖال پئے روندن