اقبال حیدر
اصل ناں محمد اقبال
قلمی ناں اقبال حیدر
جٖمنْ 1965ء
تعلیم میٹرک
پیشہ محنت مزدور
فون نمبر 0344 3158252
جاہ پتہ موضع کوہر، وہوا ،تحصیل تونسہ شریف
اقبال حیدر دا تعلق چونکہ دامان دی دھرتی نال ہے ، شعر و ادب دے حوالے نال دامان خصوصََا تونسہ شریف دی دھرتی سرِ فہرست ہے۔جئیں فکر تونسوی ، استاد فیضؔ تونسوی ، اقبال سوکڑی، ڈاکٹر طاہر تونسوی تے شفقت بزدار جھئیں شاعر و ادیب پیدا کیتے۔اقبال حیدر وی دامان دی مٹی وچوں پیدا تھیونْ والا فطری شاعر ہے ، جیڑھا جو حضرت اقبال سوکڑی توں بے حد متاثر نظر آندے۔جیویں جو آپ دا ہک شعر ہے
؎سرائیکی دی دھرتی تے اقبال حیدرؔ ہکو ’’سوکڑی‘‘ ہے خزینہ غزل دا
اقبال حیدر ، اقبال سوکڑی توں متاثر تھی کے غزل تاں خوبصورت ضرور لکھدے ،لیکن اوہ اقبال سوکڑی دے تخیلات چوری نہیں کریندا۔ جڈٖاں جو اوندے اپنْے اندر تخیلات دا ہک سمندر ٹھاٹھاں مریندا نظر آندے۔کیوں جو ایہ دامان دی مٹی دا تاثیر ہے۔
غزل
[لکھو | ماخذ وچ تبدیلی کرو]چم کے چاتے ہر تیڈٖے فرمان کوں
نئیں ولا سوچا کہیں نقصان کوں
ہر کوئی ہے ذات دے رولے دیوچ
نئیں خبر انسان دی انسان کوں
آپ تاں بٖیٹھا ہے منْ دریا اُتے
تس دے تحفے جئیں ڈٖتے دامان کوں
او کہیں دی آکھ تے کوّڑیج گٖئے
کون سمجھاوے بھلا نادان کوں
زندگی اقبال حیدرؔ اوکھ ہے
ساہ دے سانگے بھوگٖنْے گزران کوں