افتخار احمد شریف

افتخار احمد شریف
فائل:Iftekhar Khan (d.1995).jpg
معلومات شخصیت
ڄمݨ	22 فروری 1920ء   جالندھر، صوبہ پنجاب
وفات	4 مارچ 1995ء (75 سال)  ممبئی، مہاراشٹر، بھارت
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
کم	actor
پیشہ ورانہ زبان	ہندی
	IMDB پر صفحات

افتخار احمد شریف یا افتخار (ڄَمݨ دی تریخ 22 فروری 1920ء - وفات دی تریخ 4 مارچ 1995ء) ہک بھارتی اداکار ہئی۔ جیہڑا بنیادی طور تے ہندی فلم انڈسٹری وچ کم کریندا ہئی۔ اتے خاص طور تے پولیس افسر دے کردار کیتے مشہور ہئی۔

کیریئر

افتخار جالندھر وچ پیدا تھیا اتے چارے بھراواں اتے ہک بھیݨ وچ سب توں وݙا ہئی۔ اوں اپݨی میٹرک دی تعلیم مکمل کرݨ دے بعد لکھنؤ کالج آف آرٹ توں پینٹنگ وچ ڈپلوما کیتا۔ افتخار کوں ڳاوݨ دا جنون ہئی۔ اوہ ویہویں ݙہاکے دے مشہور ڳائیک کندن لال سہگل توں ٻہوں متاثر ہئی۔ ویہ سال دی عمر وچ اوں کلکتہ وچ موسیقار داس گپتا دی طرفوں منعقد تھیوݨ آلے آڈیشن وچ حصہ ڳھدا۔ داس گپتا ایچ ایم وی دے طور تے کم کریندا ہئی۔ داس گپتا، افتخار دی شخصیت توں متاثر تھیا۔ اوں ایندا ناں ایم پی پروڈکشنز کوں ہک اداکار دے طور تے ݙتا۔ 1944ء وچ ایندی سب توں پہلی فلم "تکرار" بݨی جیہڑی بینر آف آرٹ فلم کلکتہ دے تحت بݨی ہئی۔

افتخار دے ٻہوں سارے نیڑے دے رشتے دار ایندے ماء پیو، بھیݨ بھرا سمیت سارے لوک تقسیم ہند دے بعد پاکستان منتقل تھی ڳئے ہن لیکن اوہ بھارت وچ رہوݨ کوں ترجیح ݙیندا ہئی لیکن فسادات نے اینکوں کلکتہ چھوڑݨ تے مجبور کر ݙتا۔ اپݨی ذال اتے دھیاں دے نال اوہ بمبئی منتقل تھی ڳیا۔ جتھاں اوں اپݨے مرݨ تائیں جدوجہد کیتی۔ افتخار کوں کلکتہ وچ اوں ویلے دے ٻہوں وݙے اداکار اشوک کمار نال ملوایا ڳیا۔ اوں بمبئی آ کے اوندے نال رابطہ کیتا اتے 1950ء وچ بمبئی ٹاکیز دی فلم "مقدر" وچ اونکوں ہک کردار مل ڳیا۔ افتخار نے 400 توں ودھ فلماں وچ کردار ادا کیتے اے 1940ء دے ݙہاکے توں ڳھن کے 1990ء دی ابتدائی ݙہاکے تے مشتمل ہے۔ 1940ء اتے 1950ء دے ݙہاکے وچ اوہ اپݨے دور دا جوان اداکار ہئی۔ اوندے ادا کیتے ڳئے کرداراں وچ پیو، چاچا، وݙا چاچا، دادا، پولیس افسر، پولیس کمشنر، عدالت دا جج اتے ڈاکٹر شامل ہن، اوں فلم "ساون بھادوں"، "کھیل کھیل میں"، "بندنی" اتے "ایجنٹ ونود" وچ منفی کردار وی ادا کیتے۔

ذاتی زندگی

افتخار نے کلکتہ دی ہی ہک یہودی تریمیت ہانا جوزف نال شادی کیتی، جیں اپݨا ناں ریحانہ یوسف رکھ ݙتا اتے 27 مئی 2013ء وچ ایندی وفات تھی ڳئی۔ انہاں دیاں ݙو دھیریں وی ہن۔