اظہر گورچانْی
اصل ناں عبدالقادر
تخلص اظہر گور چانْی
جٖمنْ 1980ء
تعلیم ایف اے
پیشہ ذاتی کاروبار
فون نمبر 0334 6691990
جاہ پتہ روجھان مزاری ضلع راجن پور
اظہر گورچانْی دا تعلق روجھان مزاری نال ہے ۔آپ استاذالشعراء حضرت فیض فقیر مرحوم دے فرزند ہن ، شاعری آپ کوں ورثے وچ ملی ہے۔سہ زبان شاعر ہن یعنی اردو سرائیکی تے بلوچی زبان اچ شاعری کریند ن توڑے جو آپدی مادری زبان بلوچی ہے لیکن اوہ سرائیکی وسیب اچ جٖمئے پلئے تے سرائیکی ماحول دا اثر قبول کیتا، تے اپنْے والدِ محترم دے نقشِ قدم تے چلدیں ہوئیں سرائیکی زبان کوں زیادہ اہمیت ڈٖتی۔تے اپنْے شعری اظہار دا ذریعہ وی زیادہ تر سرائیکی زبان کوں بنْایا۔جتھوں تک آپ دی غزل دا تعلق ہے تاں بٖہوں سوہنْی تے ستھری غزل لکھدن۔نمونہ کلام پیشِ خدمت ہے۔
غزل
[لکھو | ماخذ وچ تبدیلی کرو]بے حد ہیں تیڈٖے پیار دے مشکور اساں لوک
پر تیڈٖے سوا لگٖدے ہیں بے نور اساں لوک
مئے پیندے ہیں ہکوار تیڈٖی اکھ کنوں کجھ دیر
تھی ویندے ہیں سو سال تاں مخمور اساں لوک
ول وی ساڈٖے ناں ہن پتھریں دے نناویں
ہر جرم توں رہندے ہیں توڑے دور اساں لوک
گھندا جو ہے کئی نام تیڈٖا قید قفس وچ
تھی دار تے وی ویندے ہیں مسرور اساں لوک
اظہرؔ تاں ہے چپ چاپ الیندا نہیں کجھ وی
ہیں اپنْے شہر دیوچ محصور اساں لوک