اظہر دانش
اصل ناں محمد اظہر
قلمی ناں اظہر دانشؔ
جٖمنْ 1988ء
تعلیم میٹرک
پیشہ حکمت
جاہ پتہ وستی راں تحصیل کروڑ ضلع لیہ
غزل
[لکھو | ماخذ وچ تبدیلی کرو]پاندھی توں پچھ ایں دور دا ، دردِ سفر کیویں ہوندن
زندگی دے ہر ہک موڑ تے سوچاں دے گھر کیویں ہوندن
فرصت ملی تاں ڈٖیکھ جُٖل دریا کوں ہے اجٖ ڈھا لگٖی
تیکوں ڈٖکھاواں سیڑھ تے لُڑھدے ہوئے گھر کیویں ہوندن
ہر پھُل ہوندے خوشبو تئیں ، خوشبو مکی سانگا مُکا
مِٹی تے پئے پھُلّاں دے ول تھیندے حشر کیویں ہوندن
تیکوں نہیں کوئی خبر قربت دیوچ ہن کرب کئی
سندھو دی بھوئیں ہے با خبر سینے تے چر کیویں ہوندن
نکھڑے تاں ول محسوس تھئے ساہ ساہ دے کرب و سوز تے
دانشؔ کہیں دی تانگھ وچ شام و سحر کیویں ہوندن
؎مسیت دیوچ کدورتاں کیوں ، عداوتاں کیوں ، رکاوٹاں کیوں؟
مسیت مُلّاں دا گھر تاں کائنی ، مسیت میڈٖے خدا دا گھر ہے