اصغر ہمدرد
اصغر ہمدرد سرائیکی شاعر ہے.
نمونہ کلام
[لکھو | ماخذ وچ تبدیلی کرو]غزل
غم بھل ویندن جیلھے کوئ غمخوار تسلیاں ݙیندے
اؤکھے ویلھے یار کوں آ تے یار تسلیاں ݙیندے
ݙر ہس گھر والئیں دے سامھیں شئیت جواب چا ݙیوے
ہے مایوس طبیب مگر بیمار تسلیاں ݙیندے
وہم، یقین دے ادھ وچ حالی پیار کھڑا ہے ساݙا
" شک" تاں اہدے چھوڑ ویسے " عتبار" تسلیاں ݙیندے
ملاں ، بھوپے پیر ، تعویذ دے اولے جیباں کٹئین
جیبوں خالی ݙکھے کوں دربار تسلیاں ݙیندے
اکھ دا پردہ لازم ہے پر ݙکھ سکھ سانجھا رکھسوں
وݙا ادا ادھ وچ ݙے دیوار ، تسلیاں ݙیندے
دشمنی دے وچ گھر دا گھر مروا تے کلھا رہ ڳے
نال ہاں تیݙے ، نینگر کوں ہتھیار تسلیاں ݙیندے
ایندی چیلھ ءچ کتنا ٻل ہے اساں خوب سمجھدوں
سدھ نیں حاکم کیوں ول ول بیکار تسلیاں ݙیندے
میں مخلوق دے نال کیتا ہے پیار ، عمل ٻیا کائنی
دوزخ دے جو دڑکے ملدن پیار تسلیاں ݙیندے
دریا دا جے پیٹ سکے تاں پیٹ ملاح دا سکدے
ول ہمدرد ملاح کوں دریا تار تسلیاں ݙیندے
سئیں اصغر ھمدرد
Follow Faiz Ahmed Shazim