اسکلندہ

محلِ وقوع

اِیں عظیم شہر دے کھنڈرات موضع ٹھٹھ گھلواں تحصیل شجاع آباد وِچ مِلدے ہِن۔

راݨی دھسلہ دی حکومت

راجہ دریودھن نے آپݨی شِین٘ہ دِل بھیݨ راݨی دھسلہ کوں جہڑی راجہ جیدارتھ دی راݨی ہَئی، آپݨاں نائب مقرر کر کے وادیٔ سندھ کَن ٹوریا۔ اِیں نے آپݨاں پایۂ تخت اُچ اَتے ملتان دے وِچالے ہِک شہر کوں بݨایا جہڑا بعد وِچ اسکلندہ دے ناں نال مشہور تِھیا۔ جہڑے پَرے پَرے تئیں پھیلے ہوئے ہِن۔ کیوں جو اِیں ملک وِچ تعلیم دی کمی ہَئی۔ اِیں کِیتے راݨی نے آپݨے بِھرا کوں چِٹّھی لکھ کے تِرِیہ ہزار برہمݨ مال تے اسباب نال درآمد کِیتے۔ جین٘دے نال مُلک دے گوشے گوشے وِچ درس تے تدریس دا سلسلہ شروع تھی ڳِیا۔ اِیہ وݙی چَنڳی حکومت ہَئی جہڑی گَھٹ وَدھ وِیہہ ورھیاں تئیں رہی۔ پَر کورؤواں دے ہرَݨ نال اِیہ مُلک وی اثر گِھدّے مُتُّوں نِھیں رِیہا اَتے برہمیں ناں دے ہِک برہمݨ نے نہ صرف ملتان اَتے سندھ بلکہ پُورے بر صغیر پاک تے ہند اُتے قبضہ کر گِھدّا۔ اُوں نے سبّھے پانڈؤواں کوں نیست تے نابود کر ݙِتّا اَتے ہِک ݙاڈھی تَکڑی سلطنت دا ایرا پاتُس۔ اُون٘دی اَل کنوں تقریباً پندرھاں راجاواں نے اِیں برصغیر اُتے حکومت کِیتی۔ پَر انجامِ کار آپݨے ظلم تے سِتم دی پاداش وِچ حرفِ غلط آلی کار مِٹا ݙِتّے ڳئے۔

ٻِیا ݙیکھو

• راجہ ہرناکشپ۔
• رام چوترہ مندر۔
• ملتان اُتے ایرانی حملے۔
• دریودھن۔