اسلم وارثی

اصل ناں       محمد اسلم

قلمی ناں       اسلم وارثیؔ

جٖمنْ           1972ء

تعلیم          میٹرک

پیشہ           ٹھیکیدار(رنگ سازی)

فون نمبر        0331 7305797

جاہ پتہ       سجاد آباد کالونی بلاک نمبر57ڈیرہ غازیخان

اسلم وارثیؔ بنیادی طور تے نعت گو شاعر ہن ، اردو تے سرائیکی ڈٖوہائیں زباناں وچ شاعری کریندن۔لفظ لفظ خوش نصیب، سوچیں دی معراج ، محبت مجھ پہ مرتی ہے، پہاڑ دیاں راتیں وغیرہ آپ دے شعری مجموعے وی چھپ چکے ہن۔نمونہ کلام حاضر ہے۔

(1)غزل

سوجھلیں کوں شکار کر گھنداں

چندر کوں چم کے پیار کر گھنداں

جڈٖاں چوّدا نئیں تانگھ دا پتھر

حوصلیں کوں ونگار کر گھنداں

او وی ڈٖہدا ہے اکھ بچا کے میکوں

میں وی لک لک دیدار کر گھنداں

نندر وچ ویڑھ گھنداں زلف اوندی

خواب کوں خوشبو دار کر گھنداں

اتناں غربت نی بار چا سگٖدی

خواہشاں قسطوار کر گھنداں

وارثیؔ کہیں سفر تے ویندیں ہوئیں

سک دی سر تے لکار کر گھنداں