اسلم اظہر
| اسلم اظہر | |
|---|---|
| معلومات شخصیت | |
| ڄمݨ | 1 ستمبر 1932ء |
| وفات | 29 دسمبر 2015ء (83 سال) |
| شہریت |  پاکستان
|
| اعزازات | |
 ستارۂ امتیاز (2012) | |
درستی - ترمیم 
| |
اسلم اظہر (1932-2015) پاکستان ٹیلی ویژن دے پہلے ایم ڈی ہن۔ انہاں یکم ستمبر 1932ء کوں لاہور وچ جنم ڳھدا۔ گورنمنٹ کالج وچ تھیٹر کیتا اتے کیمبرج یونیورسٹی توں قانون دی ڈگری حاصل کیتی۔ کجھ عرصہ نوکری کرݨ دے بعد انہاں او چھوڑ ݙتی اتے کراچی آ کے دستاویزی فلماں بݨاوݨ شروع کر ݙتیاں۔ انہاں اپݨے دوست فرید احمد دے نال مل کے کراچی آرٹس اینڈ تھیٹر سوسائٹی بݨائی اتے تھیوسوفیکل ہال وچ ڈرامے کیتے۔
1962ء وچ انہاں نجی شعبے وچ تجرباتی ٹی وی ٹرانسمیشن شروع کرݨ والے ادارے نال بطور ڈائریکٹر پروگرامنگ کم شروع کیتا۔ انہاں کوں ٹی وی دے بارے وچ زیادہ علم نہ ہئی پر انہاں دی قابلیت دی وجہ توں انہاں اے ذمہ داری سونپی ڳئی۔ لاہور دے بعد ڈھاکہ، کراچی، اسلام آباد، پشاور اتے کوئٹہ وچ وی ٹی وی نشریات شروع تھیاں۔
اسلم اظہر نے ٹی وی کیتے ڈرامے لکھݨ آلےآں دی ٹیم بݨائی جیندے وچ اشفاق احمد، بانو قدسیہ اتے انتظار حسین جیہے وݙے ناں شامل ہن۔ انہاں دے دور وچ الف نون اتے خدا کی وستی جاہیں مشہور ڈرامے بݨے۔ 1968ء توں 1976ء دے دوران پاکستانی ٹی وی ڈرامے معیاری سمجھے ویندے ہن۔
کجھ عرصے کیتے انہاں کوں ٹی وی دی باگ ڈور چھوڑݨی پئی پر جنرل ضیا الحق دے مارشل لا دے بعد او ول متحرک تھی ڳئے۔ 1964ء وچ ریڈیو پاکستان لاہور دے پچھواڑے وچ پاکستان ٹیلی ویژن دی آزمائشی نشریات شروع کرݨ آلی ٹیم دے کمانڈر اسلم اظہر ہی ہن جیہڑے بعد وچ پی ٹی وی دے پہلے ایم ڈی بݨے۔
1982ء وچ انہاں دستک گروپ دی بنیاد رکھی جیہڑا سیاسی تھیٹر کریندا ہئی۔ انہاں بریخت دے کھیݙاں دے ذریعے سیاسی مزاحمت کیتی۔ 2010ء وچ انہاں آکھیا ہئی کہ نویں اتے پراݨے ٹی وی ڈرامے وچ او فرق ہے جیہڑا ہتھ نال بݨے قالین اتے فیکٹری وچ بݨݨ آلے قالین وچ ہوندے۔
اسلم اظہر دا انتقال 29 دسمبر 2015ء کوں تھیا۔