اروشی بٹالیا

اروشی بٹالیا
معلومات شخصیت
پیدائش	سنہ 1952ء (عمر 72–73 سال)  انبالہ
شہریت	بھارت
عملی زندگی
مادر علمی	جامعہ لندن دہلی یونیورسٹی میرانڈہ ہاوس، دہلی
پیشہ	صحافی ،  ناشر ،  تاریخ دان ،  مصنفہ
پیشہ ورانہ زبان	انگریزی ،  پنجابی ،  ہندی ،  بنگلہ ،  اطالوی ،  فرانسیسی
اعزازات
پدم شری اعزاز برائے ادب و تعلیم

اروشی بٹالیا (انگریزی: Urvashi Butalia) ہک بھارتی فیمینسٹ قلم کار تے پبلشر ہِن۔ بھارت وچ نسوانی تحریک وچ اپݨی کارکردگی دی وجہ توں اروشی کوں پہچاݨا ویندا ہئی۔ انّھاں نے خاموشی دے ݙوجھے رخ: تقسیم ہند دیاں آوازاں (انگریزی: The Other Sides of Silence: Voices from the Partition of India) تے امن دی ڳالھ: کشمیر توں زنانیاں دیاں آوازاں (انگریزی: Speaking Peace: Women's Voice from Kashmir) جئیں کتاباں تصنیف کیتیاں ہِن۔ ریتو مینن دے ہمراہ بٹالیا نے 1984 وچ کالی فار ویمن (انگریزی: Kali for Women) دے ناں نال ہک اشاعتی گھر (انگریزی: Publishing house) قائم کیتا۔ انّھاں نے 2003 وچ زبان بکس (انگریزی: Zubaan Books) دے ناں نال کالی فار وویمن دی چھاپ دے طور تے قائم کیتا۔ مینن تے بٹالیا کوں ہک سان٘گے 2011 وچ حکومت ہند دی جانب توں تعلیمی تے ادبی خدمات دی وجہ توں پدم شری اعزاز نال نوازا ڳیا۔

ابتدائی زندگی تے تعلیم

اروشی بٹالیا دی پیدائش 1952 وچ انبالہ، ہریانہ دے ہک امیر، لاادری، پنجابی گھرانے وچ تھئی۔ بٹالیا نے میرانڈہ ہاوس، دہلی یونیورسٹی توں انگریزی ادب وچ 1971 وچ بی-اے تے 1973 وچ ایم-اے کیتا۔ انّھاں نے 1977 وچ جامعہ لندن توں جنوبی ایشیا دراسات (انگریزی: South Asian Studies) وچ ایم-اے کیتا۔

کیریئر

بٹالیا نے اوکسفرڈ یونیورسٹی پریس، نئی دہلی توں اپݨے کیریئر دی ابتدا کیتی۔ انّھاں نے آکسفوڑڈ ہیڈکوارٹرز وچ تقریباً ہک سال تک کم کیتا تے ول زیڈ بکس (انگریزی: Zed Books)، لندن توں 1982 وچ بحیثیت ایڈیٹر دے وابستہ تھی ڳئیں۔ بٹالیا ول بھارت واپس آئی تے ریتو مینن دے ہمراہ 1982 وچ کالی فار وومین (انگریزی: Kaali for Women) ناں دے فیمینسٹ اشاعتی گھر دی بنیاد رکھی۔

بٹالیا آکسفیم (انگریزی: Oxford Committee for Famine Relief)، بھارت مشورہ گیر تے دہلی یونیورسٹی دے کالج برائے ووکیشنل دراسات وچ ریڈر دے عہدے تے فائز ہِن۔

بٹالیا نے 2004 وچ زبان بکس (انگریزی: Zubaan Books) دی نیو ڈالی۔ کنن پوشپورہ سانحہ نال تعلق رکھݨ والی کتاب کیا آپ کو کنن پوشپورہ یاد ہے (انگریزی: Do You Remember Kunan Poshpura) زبان توں ہی شائع تھئی ہئی۔

تصانیف

بٹالیا دیاں کجھ قابل ذکر تصانیف:

• دوسرے الفاظ میں: بھارتی خواتین کی نئی تحریرسانچہ:دیگر نام
• بدلاؤ پیش کرنا: جنوب میں فیمینسٹ اشاعتسانچہ:دیگر نام
• خواتین اور ہندو حق سانچہ:دیگر نام
• خواتین اور دایاں بازو تحریکیں سانچہ:دیگر نام
• خاموشی کا دوسرے رخ: تقسیم ہند کی آوازیںسانچہ:دیگر نام
• امن کی بات: کشمیر سے خواتین کی آواز سانچہ:دیگر نام
• انر لائن سانچہ:دیگر نام

اعزازات

بٹالیا کوں کئی ملکی تے بین الاقوامی اعزازات حاصل تھئے ہِن۔ چند قابل ذکر درج ذیل ہِن:

• 2000 وچ بٹالیا کوں اشاعت وچ پنڈورا اعزاز برائے زنانیاں (انگریزی: Pandora Award for Women in Publishing) نال نوازا ڳیا۔
• 2011 وچ بٹالیا کوں حکومت ہند دی جانب توں ادبی تے تعلیمی خدمات دی بنا تے پدم شری اعزاز نال نوازا ڳیا۔
• 2017 وچ بٹالیا کوں جرمنی نے گوئتھے میڈل (انگریزی: Goethe Medal) نال نوازا۔
• بینی میریٹو (انگریزی: Bene Merito Medal)، 2014۔ پولستان دا سبھ توں وݙا اعزازی میڈل۔
• نکی ایشیا انعام برائے تہذیب (انگریزی: Nikkei Asia Prize for Culture)، منجانب، دی نکی، جاپان، 2003۔