ارنسٹ رسکا

ارنسٹ رسکا

ارنسٹ آگسٹ فریڈرک رسکا (25 دسمبر 1906 – 27 مئی 1988) ہک جرمن ماہر طبیعیات ہا جئیں 1986 وچ طبیعیات دا نوبل انعام الیکٹران آپٹکس وچ کم کرݨ تے جتیا ، جیندے وچ پہلے الیکٹران خوردبین دا ڈیزائن وی شامل ہا ۔

زندگی تے کیریئر

ارنسٹ رسکا ہائیڈل برگ ، جرمنی وچ پیدا تھیا ہا ۔ انہاں 1925 توں 1927 تئیں میونخ دی تکنیکی یونیورسٹی وچ تعلیم حاصل کیتی تے ول Technische Hochschule Berlin وچ داخل تھیا ، جتھاں انہاں اے تجویز پیش کیتی جو الیکٹران استعمال کرݨ آلیاں خوردبیناں ، جنہاں دی ویولینتھ روشنی توں 1000 گناں گھٹ ہندی ہے ، او روشنی استعمال کرݨ آلی خوردبین دے مقابلے وچ کہیں شے دی زیادہ تفصیلی تصویر ڈے سکدیاں ہن ، جیندے وچ میگنیفیکیشن ویولینتھ دے سائز نال محدود ہندی ہے ۔ 1931 وچ انہاں اے ظاہر کیتا جو ہک مقناطیسی کنڈلی الیکٹران لینز دا کم کر سکدی ہے ، تے 1933 وچ پہلی الیکٹران خوردبین بنان کیتے کئی کنڈلیاں کوں سیریز وچ استعمال کیتا ۔

1933 وچ پی ایچ ڈی مکمل کرݨ توں بعد ، رسکا الیکٹران آپٹکس دے شعبے وچ کم کرݨ جاری رکھی ، پہلے برلن۔زیلینڈورف وچ Fernseh AG وچ تے ول 1937 توں Siemens۔Reiniger۔Werke AG وچ ۔ سیمنز وچ او 1939 وچ پہلی تجارتی طور تے تیار تھیوݨ آلی الیکٹران خوردبین دی تیاری وچ شامل ہا ۔ سیمنز وچ الیکٹران خوردبین دی ٹیکنالوجی تیار کرݨ دے نال نال ، رسکا ٻئے سائنسی ادارےآں وچ وی کم کردا ہا ، تے سیمنز کوں زائر محققاں کیتے ہک لیبارٹری قائم کرݨ دی ترغیب ݙتی ، جیڑھی شروع وچ رسکا دے بھرا ہیلمٹ دی سربراہی وچ ہائی ، جیڑھا ہک طبی ڈاکٹر ہا جئیں طبی تے حیاتیاتی ایپلی کیشنز کیتے الیکٹران خوردبین دے استعمال کوں تیار کیتا ۔

1955 وچ سیمنز چھوڑݨ دے بعد ، رسکا 1974 تئیں Fritz Haber Institute دے انسٹی ٹیوٹ فار الیکٹران مائکروسکوپی دے ڈائریکٹر دے طور تے خدمات انجام ݙتیاں ۔ اوندے نال نال ، انہاں 1957 توں 1974 وچ ریٹائرمنٹ تئیں انسٹی ٹیوٹ تے Technische Universität Berlin وچ پروفیسر دے طور تے وی خدمات انجام ݙتیاں ۔

1960 وچ انہاں لاسکر ایوارڈ جتیا ۔ 1986 وچ انہاں الیکٹران آپٹکس وچ اپݨیاں ٻہوں ساریاں کامیابیاں کیتے طبیعیات دا ادھا نوبل انعام ݙتا ڳیا ۔ گارڈ بننگ تے ہینرک روہر کوں سکیننگ ٹنلنگ خوردبین دے ڈیزائن کیتے ہک چوتھائی انعام ݙتا ڳیا ۔ انہاں 1988 وچ مغربی برلن وچ وفات تھئی ۔

میکس وولف ولوں دریافت کیتا ڳیا سیارچہ 1178 ارمیلا ، رسکا دی ذال ارمیلا دے ناں تے رکھیا ڳیا ہے ، جیڑھی وولف دی بھتریجی ہائی ۔