ارفع کریم

ارفع کریم رندھاوا
(اردو وِچ: ارفع کریم رندھاوا)
فائل:ارفع کریم.jpg
معلومات شخصیت
پیدائش	2 فروری 1995(1995-02-02) چک نمبر 4 ج ب، رام دیوالی، فیصل آباد، پاکستان
وفات	14 جنوری 2012(2012-10-14) (عمر  16 سال) لاہور، پاکستان
وجہ وفات	دورۂ قلب
مدفن	رام دیوالی
طرز وفات	طبعی موت
رہائش	لاہور
قومیت	پاکستانی
مذہب	اسلام
عارضہ	مرگی
عملی حیاتی
تعليم	اے لیول (پہلا سال)
مادر علمی	لاہور گرامر اسکول
پیشہ	طالب علم
مادری زبان	پنجابی
پیشہ ورانہ زبان	پنجابی
وجہ شہرت	دنیا دی گھَٹ عمر ترین مائیکروسافٹ سند پیشہ ور، 2004ء-2008ء
اعزازات
فاطمہ جناح طلائی تمغا سلام پاکستان یوتھ ایوارڈ صدارتی تمغا حسن کارکردگی

ارفع کریم (2 فروری 1995ء – 14 جنوری 2012ء) ہک پاکستانی طالبہ تے غیر معمولی ذہین ٻالڑی ہَن، جیڑھی 2004ء وچ محض ݙاہ سال دی عمر وچ مائیکرو سافٹ سرٹیفائیڈ پروفیشنل (ایم سی پی) بݨ ڳئی، جݙݨ جو ݙاہ سال دی عمر وچ پائلٹ دا اجازت نامہ (لائسنس) حاصل کِیتے۔ ایں بنا تے ارفع دا نام گنیز ورلڈ ریکارڈز وچ درج تھیا۔ ایہ اعزاز 2008ء تک ارفع دے پاس رہیا۔ ارفع نے پاکستان دی طرفوں، مختلف بین الاقوامی فورماں تے ٹیک ایڈ ڈویلپرز کانفرنس وچ نمائندگی کِیتی۔ 2005ء وچ حکومت پاکستان نے ارفع کوں صدارتی تمغائے حسن کارکردگی عطا کِیتے۔ لاہور وچ ہک سائنس پارک ارفع سافٹ ویئر ٹیکنالوجی پارک دے نام تے ارفع ہی دے نام تے بݨایا ڳیا ہَئی۔ مائیکروسافٹ دے بانی بل گیٹس نے ارفع کوں صدر دفتر، امریکا وچ مدعو کِیتے تے خود ملاقات کِیتی۔ ارفع 14 جنوری 2012ء کوں 16 سال دی عمر وچ عارضۂ قلب دی وجہ توں وفات پا ڳئیں۔

ڄَم پَل

ارفع کریم فیصل آباد دے ہک نزدیکی گاؤں رام دیوالی وچ 2 فروری 1995ء کوں پیدا تھئیں۔ آپ دے والد امجد عبد الکریم رندھاوا ہک آرمی آفیسر ہَن۔

ٻہوں گھٹ عمر وِچ اعزاز

ݙاہ سال دی عمر وچ 2004ء وچ مائیکرو سافٹ سرٹیفائیڈ پروفیشنل دا امتحان پاس کر تے انفارمیشن ٹیکنالوجی وچ ہک تہلکہ مچا ݙِتے، ارفع کریم رندھاوا نے دنیا دی کم عمر ترین مائیکرو سافٹ سرٹیفائیڈ پروفیشنل ہووݨ دا اعزاز حاصل کِیتے۔ ایں توں دنیا وچ پاکستان دا نام روشن تھیا۔

ارفع کریم دے اعزازات

• ارفع کریم رندھاوا مائیکروسافٹ کارپوریشن دی دعوت تے جولائی 2005ء وچ اپݨے والد دے ہمراہ امریکا ڳئیں۔ جتھاں انّھاں کوں دنیا دی کم عمر ترین مائیکروسافٹ سرٹیفائیڈ پروفیشنل دی سند ݙتی ڳئی۔
• ارفع کریم جݙݨ بل گیٹس نال مِلّی تاں انّھاں دے بارے وچ آکھا ڳیا جو پاکستان دا ݙوجھا رخ۔ ارفع کریم کوں پاکستان دے ݙوجھے چہرے دا نام ݙتا ڳیا۔ ہک روشن چہرے دا نام۔ بل گیٹس نے ارفع کریم نال ݙاہ منٹ دی ملاقات کِیتی۔
• ایندے علاوہ دبئی وچ انفارمیشن ٹیکنالوجی ماہرین دی جانب توں ݙو ہفتیاں کِیتے انّھاں کوں مدعو کِیتا ڳیا جتھاں انّھاں کوں مختلف تمغا جات تے اعزازات ݙتے ڳئے۔
• ارفع کریم نے دبئی دے فلائینگ کلب وچ صرف ݙاہ سال دی عمر وچ ہک طیارہ اُڑایا تے طیارہ اُڑاوݨ دا سرٹیفیکٹ وی حاصل کِیتے۔
• ارفع کریم کوں 2005ء وچ انّھاں دی صلاحیتاں دے اعتراف وچ ”صدارتی ایوارڈ“ ”پرائڈ آف پرفارمنس“ ݙتا ڳیا۔
• ”مادرملت جناح طلائی تمغے“ وی عطا کِیتا ڳیا۔
• ”سلام پاکستان یوتھ ایوارڈ“ توں وی نوازا ڳیا۔
• مائیکرو سافٹ نے بار سلونا وچ منعقدہ سن 2006ء دی تکنیکی ڈیولپرز کانفرنس وچ پوری دنیا توں پنج ہزار توں زیادہ مندوبین وچوں پاکستان توں صرف ارفع کریم کوں مدعو کِیتا ڳیا ہَئی۔
• حکومت نے بعد از مرگ لاہور دے ہک پارک تے کراچی دا آئی ٹی سینٹر ارفع کریم نام نال منسوب کر ݙِتے علاوہ ازیں انّھاں دے گاؤں کوں وی ارفع کریم دا نام ݙے ݙتا ڳیا۔

فوتڳی

ارفع کریم کوں 22 دسمبر 2011ء کوں مرگی دا دورہ پیا، بعد وچ طبیعت بگڑݨ تے انّھاں کوں لاہور دے سی ایم ایچ ہسپتال وچ داخل کِیتا ڳیا ہَئی جتھاں اوہ کومے دی حالت وچ رہیں تے 14 جنوری 2012ء دی شب کوں 16 سال دی عمر وچ انتقال کر ڳئیں۔

ارفع دے ناں تے یادگاری ٹکٹ

جنوری 2012ء وچ پاکستانی وزیر اعظم سید یوسف رضا گیلانی نے ارفع دے نام تے ڈاک دا یادگاری ٹکٹ جاری کرݨ دی منظوری ݙِتی۔