ارشاد ناصر دی لوک شاعری

۞غزل..

۞ سئیں ارشاد ناصر.۞ پورھیت م م رمضان ارائیں

ہَر اعتبار تَھئے ٹوٹےٹوٹے کیا پُچھدی

ہَرپاسوں بَس ساکوں تَروٹے کیا پُچھدی

ساݙےفیصلےلوک کریسِن ݙِسدا پَئے

ساݙےمہتِر تھی ڳئن کھوٹےکیا پُچھدی

اپݨےحق دا کیس مَیں جین٘کوں ݙےآیا

تَن اُون٘دےتےکالا کوٹے کیا پُچھدی

جِتھاں موقع مِلسی بھاہیں لا ݙیسِن

یاریں دی ھِن جیب ءچ ڳوٹھےکیا پُچھدی

اکثر عید تےگھر نی ہون٘دےلعل ساݙے

پردیس ہون٘دے ہِن بُکھ دے ہوٹےکیاپُچھدی

اُون٘دےاݨ پڑھ افسر بݨ کےآوین٘دن

ساݙےےبی اے لَئی پئن گھوٹے کیا پُچھدی

قُل خوانی تےپَڳ ٻدھوائی خان جیکوں

ٻَدھ ائے کَل ہمسائیں دےجھوٹےکیا پُچھدی

اُوہےناصر قَد کَچھواوَݨ آوین٘دِن

چھوٹےتَھئےہیں جیندےہوٹےکیا پٗچھدی