اردشیر سوم

اردشیر سوم
Great King (Shah) of Ērānshahr
سکہ دورِ اردشیر سوم۔
Reign	6 ستمبر 628 – 27 اپریل 629
Predecessor	Kavadh II
Successor	Shahrbaraz
Born	621
Died	27 اپریل 629 (عمر 8 سال) مدائن
Burial	Meshan
Father	Kavadh II
Mother	Anzoy the Roman
Religion	زرتشتیت

ہنحامنشی شہنشاہ اردشیر دوم دا پتر ہئی۔ ایندی ماء یونانی ہئی۔ اپݨی مترائی ماء اتوسا نال مل کے اپݨے ݙونہاں وݙے بھراواں، دارا اتے اریاسپ، کوں پیو دے عہد وچ قتل کروا ݙتا۔ تخت نشین تھی کے باقی ماندہ شہزادیاں اتے شہزادیاں کوں موت دے گھاٹ اتار ݙتا۔ اسدون اتے مصر دی بغاوت کوں وݙی سفاکی نال کچلا اتے بہ کثرت لوکاں کوں قتل کیتا۔ آپس دیوتا دے مقدس سانڈ کوں مار کے اُس دا گوشت ضیافت وچ استعمال کیتا۔ اتے مصری شہراں اتے مندراں کوں تباہ و برباد کر کے ایران واپس تھیا۔ پنجاب دا صوبہ ایندے زمانے وچ خود مختار تھیا۔ اردشیر سوم اپݨے بااثر خواجہ سرا باگواس دے ہتھوں قتل تھیا۔ باگواس نے بادشاہ دے سب پتراں کوں قتل کر ݙتا اتے ہنحامنشی خاندان دے ہک رکن کدومینس کوں درا سوم دے لقب نال تخت تے ٻلہایا۔

ارتخشتر یا ارد شیر سوم (359۔ 338 ق م)

اردشیرسوم ٻہوں ہی باہمت اتے دلیر بادشاہ ہئی، مگر ایندے نال تند خو اتے سنگدل وی۔ اوں نے تخت نشینی دے بعد تمام شہزادیاں کوں قتل کروا ݙتا ہئی، تاکہ کوئی دعوے دار باقی نہ رہے۔ مگر ہک سال دے اندر شام، ایشائے کوچک، قبرض و فنیقہ وچ بغاوتاں تھیوݨ لڳ پئیاں۔ انہاں بغاوتاں دی سب توں وݙی وجہ مصر وچ ایرانی حکومت دی شکست ہئی۔ اردشیر نے محسوس کیتا کہ جݙݨ تک مصر وچ تسلط قائم نہ تھیسی بغاوت دی بھاہ نہ بجھ سڳسی۔ مگر مصر تے قبضہ کرݨ توں پہلے شام دی شورشاں کوں فرد کرݨ ضروری ہئی، کیوں کہ اے وچالے حائل ہئی۔ چنانچہ اوں نے سب توں پہلے فنیقی علاقے صیدا یا سدروم Sidon دا محاصرہ کر ڳھدا۔ شہریاں نے مایوس تھی کے خود شہر کوں بھاہ لا ݙتی یا خود کشی کر ڳھدی، صیدا دا بادشاہ طینس Tennes قتل تھیا۔ ایندے بعد اردشیر نے مصر دی طرف پیس قدمی کیتی اتے جنگ دا سلسلہ ݙو سال تک جاری ریہا۔ آخر مصر دے تریجھے خاندان دا آخری بادشاہ نخت نیب Nachtta Nep شکست کھا کے حبشہ دی طرف بھڄ ڳیا اتے مصر ݙوجھی واری 346 ق م وچ ایرانی سلطنت وچ شامل تھی ڳیا۔

ایرانی فوجاں نے ایں موقع تے بری بیدردی نال مصر کوں غارت کیتا۔ شہراں کوں لُٹیا اتے ہزاراں مصریوں کوں موٹ دے ڳھاٹ اتار ݙتا۔ ارشیر نے مصر دے مقدس بیل آپسAips ذبیح کوں کروا ݙتا، جیندی وجہ توں مصریں دے اندر وݙی بے چینی پھیلی۔ اے وجہ ہے کجھ سال دے بعد سکند اعظم دا انہاں نے پر جوش خیر مقدم کیتا اتے ایرانی حکومت توں آزاد تھیوݨ دیاں خوشیاں منائیاں۔ اردشیر نے فرندات Pharendates کوں مصر دا حاکم بݨا کے واپس تھیا۔