ارباب شیر علی خان
| ارباب شیر علی خان | |
|---|---|
| رکن پاکستان کی قومی اسمبلی | |
| آغاز منصب
13 اگست 2018 | |
| معلومات شخصیت | |
| شہریت |  پاکستان
|
| جماعت | پاکستان تحریک انصاف |
| عملی زندگی | |
| کم | سیاست دان |
درستی - ترمیم 
| |
شیر علی ارباب پاکستانی سیاست دان ہن جیہڑے اگست 2018 توں پاکستان قومی اسمبلی دے رکن ہن۔
پشاور دے خلیل قبیلے نال تعلق رکھݨ آلے تحریک انصاف دے رہنما اتے این اے 30 پشاور توں بھاری اکثریت نال کامیاب تھیوݨ آلے رکن قومی اسمبلی ارباب شیر علی خان نے سارے امیدواراں دے مقابلے وچ برتری حاصل کرݨ دے سلسلے وچ خیبر پختونخوا وچ پہلی اتے ملک بھر وچ ݙوجھی پوزیشن گھنݨ دا اعزاز حاصل کر ڳھدے۔[١]
خاندانی پس منظر
[لکھو | ماخذ وچ تبدیلی کرو]نویں منتخب تھیوݨ آلے رکن قومی اسمبلی ارباب شیر علی خان دے ݙاݙا ارباب نیاز محمد خان وفاقی وزیر رہے اتے ݙو واری پشاور دے میئر منتخب تھئے۔ انہاں دے چاچا ارباب جہانگیر خان صوبے دے وزیر اعلیٰٰ اتے کئی واری صوبائی اتے وفاقی وزیر رہے۔ انہاں دے چاچا ارباب شہزاد خان خیبر پختونخوا دے چیف سیکرٹری رہے۔ انہاں دے خاندان نال تعلق رکھݨ آلے ارباب سکندر خان خلیل گورنر رہے جݙاں جو انہاں دے خاندان نال تعلق رکھݨ آلے ارباب سیف الرحمان صوبائی اسمبلی دے ڈپٹی سپیکر اتے صوبائی وزیر رہے
سیاسی دور
[لکھو | ماخذ وچ تبدیلی کرو]ابتدائی سیاست
[لکھو | ماخذ وچ تبدیلی کرو]ارباب شیر علی خان اوں ویلے تحریک انصاف وچ شامل تھئے جݙاں انہاں دے خاندان نال تعلق رکھݨ آلے ڈاکٹر عالمگیر خان پیپلز پارٹی دے دور حکومت وچ وفاقی وزیر ہن۔
کارہائے نمایاں
[لکھو | ماخذ وچ تبدیلی کرو]اوہ 2013 وچ این اے ون پشاور وچ عمران خان دی انتخابی مہم اتے این اے فور پشاور وچ ارباب عامر ایوب دی انتخابی مہم دے انچارج وی رہے۔ پی ٹی آئی ضلع پشاور دے رہنماواں افتخار خان خلیل، عطا اللہ خان خلیل، عاطف بنگش، مجاہد خان، مومن خان اتے آصف ہادی نے پی ٹی آئی دے چیئرمین عمران خان توں اپیل کیتی ہے جو ارباب شیر علی خان کوں پی ٹی آئی کیتے عظیم خدمات دی وجہ توں انہاں کوں وفاقی وزیر بݨایا ونجے۔
دور عروج
[لکھو | ماخذ وچ تبدیلی کرو]اوہ 2018 دے پاکستان عام انتخابات وچ حلقہ NA-30 (پشاور-IV) توں پاکستان تحریک انصاف (PTI) دے امیدوار دے طور تے الیکشن لڑ تے پاکستان قومی اسمبلی کیتے منتخب تھئے۔ انہاں 73,781 ووٹ حاصل کیتے اتے متحدہ مجلس عمل (MMA) دے امیدوار ارباب نجیب اللہ خان کوں ہرایا۔
حوالہ
[لکھو | ماخذ وچ تبدیلی کرو]- ↑ "Google Search"۔ www.google.com۔ اخذ شدہ بتاریخ 2025-03-22