ادیتی راؤ حیدری

ادیتی راؤ حیدری
(انگریزی : Aditi Rao Hydari)، (تیلگو : అదితి రావు హైదరి)
ادیتی راؤ حیدری
معلومات شخصیت
ڄم	28 اکتوبر 1978ء (47 سال)  حیدرآباد، دکن، آندھرا پردیش، بھارت
قومیت	بھارتی
اکھیں داا رنگ	ڳھاٹا بھورا
والیں دا رنگ	کالا
قد	1.65 میٹر
وزن	52 کلو گرام
پیو	ودیا راؤ
عملی زندگی
مادر علمی	دہلی یونیورسٹی لیڈی سری رام کالج برائے نسواں
پیشہ	اداکارہ
پیشہ ورانہ زبان	ہندی ،  ملیالم
اعزازات
اسکرین ایوارڈ برائے بہترین معاون اداکارہ (برائے:یہ سالی زندگی ) (2012)
	IMDB پر صفحہ

ادیتی راؤ حیدری ہک بھارتی اداکارہ، رقاصہ تے گلوکارہ ہے جیڑھی ہندی، تامل، تیلگو تے ملیالم فلمیں وچ کم کریندی ہے۔ او کلاسیکی رقص بھرت ناٹیم وچ ماہر ہے۔ انہاں کئی فلمیں وچ کم کیتے تے 2016ء دی فلم "وزیر" وچ وی انہاں اداکاری کیتی۔

ابتدائی زندگی:

ادیتی راؤ حیدری دا جنم حیدرآباد دکن، تلنگانہ وچ 28 اکتوبر 1986ء کوں تھیا۔ ادیتی راؤ حیدری شاہی نسب نال تعلق رکھدی ہے۔ ایندے ݙاݙااکبر حیدری ریاست حیدرآباد دے وزیر اعظم ہن۔ ادیتی راؤ حیدری محمد صالح اکبر حیدری دی بھتریجی ہے جیڑھے آسام دے گورنر ہن۔ ایندے پیو احسان حیدری، جیڑھے 2013ء وچ فوت تھئے، داؤدی بوہرہ مسلم ہن جبکہ ایندی ماء ودیا راؤ، جیڑھی پیدائشی طور تے ہندو ہے، منگلور نال تعلق رکھدی ہے تے نصف تیلگو ہے۔ ادیتی دے والدین ایندی عمر دے ݙو سال دی ہوندی ہی الگ تھی ڳئے ہن۔ ایندی ا ماں دہلی آ ڳئی تے پیو نے ݙوجھی شادی کر ڳھدی جیندے وچوں کوئی ٻال نا تھیا ۔ ادیتی نے اپݨا بچپن دہلی تے حیدرآباد وچ گزاریا۔ 6 سال دی عمر وچ ایݨے بھرت ناٹیئم سکھݨا شروع کیتا۔ ادیتی نے اے کرشنمورتھی فاؤنڈیشن انڈیا سکول وچ تعلیم حاصل کیتی تے دہلی دے لیڈی شری رام کالج توں گریجویشن مکمل کیتی۔ اداکار عامر خان دی سابقہ اہلیہ، فلمساز کرن راؤ، ادیتی دے مامے دی دھی ہن تے اینہ سانڳے انہیں دی ملیر ہن۔

کیریئر:

ادیتی نے اپݨے کیریئر دی شروعات بھرت ناٹیئم لیلا سیمسن دے نال کیتی تے او کافی وقت لیلا سیمسن دے گروپ وچ وی کم کریندی رہی۔ 2004ء وچ ادیتی نے پہلی فلم "سرینگارام" وچ کم کیتاجیندے وچ انہاں دیوداسی دا کردار نبھایا۔ 2011ء وچ انہاں "یہ سالی زندگی" فلم وچ وی اداکاری کیتی۔ 2013ء وچ ادیتی نے مہیش بھٹ دی فلم "مرڈر" وچ 'روشنی' دا کردار نبھایا۔ انہاں امیتابھ بچن، رنبیر کپور تے ٻہوں سارے مشہور اداکاراں دے نال کم کیتے۔

اعزازات:

"یہ سالی زندگی" فلم دے کیتے اینکوں سکرین ایوارڈ ملا تے "راک اسٹار" فلم دے کیتے بیسٹ ایکٹر اینڈ سپورٹنگ رول دے کیتے وی ایوارڈ ملیا۔ "مرڈر تھری" دے کیتے اینکوں بگ اسٹار انٹرٹینمنٹ ایوارڈ ملیا۔ ادیتی کوں تامل فلم دے کیتے وی ایوارڈ ݙتا ڳیا۔

ذاتی زندگی:

ادیتی دی شادی ستیا دیپ مشرا نال 2004ء تے 2009ء وچ تھئی۔ ستیا دیپ مشرا سابق وکیل تے ٹیلی ویژن اداکار ہن۔ ادیتی تے ستیا دیپ 17 سال دی عمر توں ہی رشتے وچ ہن۔ ادیتی نے 21 سال دی عمر وچ شادی کیتی لیکن ہندی سنیما وچ شروعات کرݨ دے بعد ایں شادی کوں راز رکھیا۔ ادیتی تے ستیا دیپ الگ تھیوݨ دے باوجود اچھے ساتھی ہن۔ 2013ء دے انٹرویو وچ ادیتی نے ذکر کیتا کہ او الڳ تھی ڳئی ہن۔

فلم

• پدماوت (2018ء فلم)