ادیبہ حسن

ادیبہ حسن
سندھ صوبائی اسمبلی پاکستان کی رکن
مدت منصب 2018 اگست 13 – 2023 13 اگست
معلومات شخصیت
رہائش	کراچی صوبہ سندھ
شہریت	پاکستان
مذہب	اسلام
جماعت	پاکستان تحریک انصاف
عملی حیاتی
پیشہ	سیاست دان

ادیبہ حسن (اردو: ادیبہ حسن، کنوں) ہِک پاکستانی سیاست دان زنانی ہِن جنّھاں دی سیاسی وابستڳی پاکستان تحریک انصاف نال ہِے۔  

سیاسی حیاتی

ادیبہ حسن 2018 دے عام انتخابات وِچ زنانیاں کِیتے مخصوص نشست تے پاکستان تحریک انصاف دی امیدوار دے طور تے سندھ دی صوبائی اسمبلی کِیتے منتخب تِھئیاں۔ سندھ اسمبلی دے ایوان وِچ اکثریت پاکستان پیپلز پارٹی کوں حاصل ہِے اَتے اِیہ مسلسل تِریجی واری صوبہ سندھ وِچ حکومت کرین٘دی پئی ہِے۔

صوبائی اسمبلی قرارداد

ادیبہ حسن نے بین الاقوامی زنانیاں دے ݙین٘ہ تے زنانیاں کوں خراج تحسین پیش کرݨ کِیتے ہِک قرارداد پیش کِیتی۔ ڈاکٹر عشرت العباد خان انسٹی ٹیوٹ وِچ کنٹریکٹ تے 45 ڈاکٹراں دیاں خدمات کوں مستقل کرݨ کِیتے ہِک قرارداد پیش کِیتی۔

توجہ دلاؤ نوٹس

ادیبہ حسن متحرک اَتے سرگرم عمل صوبائی اسمبلی رُکن ہِن، جیڑھیاں قائمہ کمیٹیاں دی رُکن تاں کائے نِھیں، البتہ توجہ دلاؤ نوٹس پیش کرݨ دے نال نال صوبائی اسمبلی دیاں قرارداداں وِچ شریک رہین٘دی ہِن۔ ادیبہ نے مندرجہ سوالات صوبائی اسمبلی وِچ اَٹھائے ہِن:

• صوبے وِچ گندم ذخیرہ اندوزاں دے خلاف محکمہ خوارک نے کِیہڑے اقدامات اَٹھائے ہِن؟
• واٹر بورڈ کلفٹن دے رہائشیاں کوں پاݨی دی اِیہ مقدار فراہم کِیوں کائے نِھیں کرین٘دا جیڑھی اُنہاں دا حق ہِے، جِہڑی وجہ توں اُوہ پاݨی دی شدید قلت دا شکار ہِن، اِیں دی کِیہ وجہ ہِے؟
• صوبے وِچ گھریلو تشدد دیاں شکایات دے کیس دی رپورٹ شائع کرݨ کِیتے کِیہڑے اقدامات گِھدّے ڳئے ہِن؟