ادا جعفری

ادا جعفری
ادا جعفری، 1987ء
معلومات شخصیت
پیدائش	22 اگست 1924ء   بدایوں
وفات	12 مارچ 2015ء (91 سال)  کراچی
قومیت	پاکستانی
عرفیت	عزیز جہاں
شریک حیات	نورالحسن جعفرئ
اولاد	صبئحہ جعفرئ، عظمئ جعفرئ، عامر جعفرئ
عملی زندگی
پیشہ	شاعر
پیشہ ورانہ زبان	اردو
اعزازات
آدم جی ایوارڈ، تمغا امتیاز، کمال فن ایوارڈ

ادا جعفری (22 اگست 1924 ء – 12 مارچ 2015ء) اردو ٻولی دی معروف شاعرہ ہَن۔ انّھاں دی پیدائش 22 اگست 1924ء کوں بدایوں وِچ تھئی۔ انّھاں دا ٹٻّر آلا ناں عزیز جہاں ہِے۔ ایہ ترے ورھیاں دی ہَن جو انّھاں دے پِیؤ مولی بدر الحسن جھوک لݙا ڳئے ہَن۔ جین٘دے بعد انّھاں دی ݙیکھ بھال نانکیاں وِچ تَھئی۔ ادا جعفری نے تیرھاں ورھیاں دی عمر وِچ ای اردو شاعری دا اَغاز کر ݙِتا ہَئی۔ اُوہ ادا بدایونی دے ناں نال شعر آہدی ہَن۔ اُوں ویلے ادبی رسالیاں وِچ اُنّھاں دا کلام چَھپّݨ دا اَغاز تھی ڳِیا ہَئی۔ انّھاں دی شادی 1947ء وِچ نور الحسن جعفری نال تھئی۔ شادی دے بعد ادا جعفری دے ناں نال لِکّھݨ لڳ پئی۔ ادا جعفری عام طور تے اختر شیرانی اَتے اثر لکھنوی کنوں اصلاح گِھنْدی ریہی۔ انّھاں دے اُردو شعری مجموعہ "شہر درد" کوں 1968ء وِچ آدم جی ادبی انعام مِلیا۔ شاعری دے ٻہوں سارے مجموعاں کنوں ان٘ج "جو رہی سو بے خبری رہی" دے ناں نال انّھاں نے آپݨی خود نوشت سوانح عمری وی 1995ء وِچ لکھی۔ 1991ء وِچ حکومت پاکستان نے ادبی خذمتاں کوں منین٘دے ہوئے تمغائے امتیاز نال نوازیا۔ اُوہ کراچی وِچ رہن٘دی ہَن۔۔

وفات

کُجھ مُد بِمار رہوݨ دے بعد اُوہ 12 مارچ 2015ء کوں جھوک لݙا ڳئی ہَن۔

ٻِیا ݙیکھو

• پروفیسر فضیل جعفری

تصنیفاں

• میں ساز ڈھونڈتی رہی 1950(شاعری)
• شہر درد 1967 (شاعری)1968ء وِچ آدم جی ادبی انعام مِلیا۔
• غزالاں تم توواقف ہو 1974 (شاعری)
• ساز سخن بہانہ ہے 1982 (شاعری) ہائیکو
• حرف شناسائی (شاعری)
• موسم موسم (کلیات2002ء)
• جو رہی سو بے خبری رہی 1995 ( خود نوشت)