اخلاقی درس
قصہ اساݙی اخلاقی تربیت کریندن جݙاں دی ایہ دنیا وجود وچ آئی ہے تݙاں توں خیر و شر دی جنگ جاری ہے۔ شر کوں کݙاہیں جزوقتی فتح مل وی ونڄے تاں وی مایوس نئیں تھیوݨاں چاہیدا کیوںجو مستقل تے ہمیش راہݨ وچ فتح ہمیش خیر کوں اِی نصیب تھیندی ہے تے ایہو اخلاقی درس قصیاں وچ پیش کیتا ویندے اَحٖ تئیں کوئی ایجھا قصہ تخلیق نئیں تھیا جیندے وچ شر کوں فتح مل ڳئی ہووے اَتے خیر کوں شکست ۔ ایں توں انج سوچݨ سمجھݨ ‘ جہدِ مسلسل ‘ہمت نہ ہارݨ ‘ وݙیاں دی عزت کرݨ ‘ چھوٹیاں ‘ کمزوراں تے رحم کرݨ ‘ ݙوجھیاں دے کم آوݨ اَتے اُنہاں کیتے قربانی ݙیوݨ دا درس قصیاں وچ عملی طور تے پیش کیتا ویندے۔
حوالہ
[لکھو | ماخذ وچ تبدیلی کرو]سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان