اختر مجاز
اصل ناں سعید اختر
قلمی ناں اختر مجاز ؔ
جمن 1982ء
تعلیم ۔۔۔۔
پیشہ ملازمت ریڈیو پاکستان میانوالی
فون نمبر 03335699399
غزل
[لکھو | ماخذ وچ تبدیلی کرو]کیویں تھیون یار نکھیڑے، اللہ معافی
ہر صورت دے کئی کئی چہر ے اللہ معافی
توں کیا جانیں مزدوراں کوں روز نماشیں
کیویں چڑھدن آن تھکیڑے اللہ معافی
سچ آہدا ہابابا میکوں بندہ بن ونج
ہُن میں ڈیواں ڈکھڑے کہڑے اللہ معافی
پیر رکھن دی جاء وی کئی نئیں وت وی ڈیکھو
تھیندے پئے ہن وکھرے ویہڑے اللہ معافی
ساڈے گھر دے نال مسیت اے نالے اخترؔ
مے خانہ وی تھیندے نیڑے اللہ معافی
لوک آہدے اتھاں محبت ہے
کئی ڈساوے کتھاں محبت ہے؟
دید کم نئیں کریندی پئی میڈی
یار ڈیکھیں اتھاں محبت ہے؟
میکوں اختر مجاز ؔخبراں ہن
تیڈی اجکل جتھاں محبت ہے
٭٭٭