احوال و واقعات حضرت خواجہ غلام فریدؒ
فریدیات دے موضوع تے جھوک پبلشرز ملتان دی طرفوں خواجہ معین الدین کوریجہ دی کتاب ’’احوال و واقعات حضرت خواجہ غلام فریدؒ‘‘ 1999ء وچ چھپ تے سامݨے اَئی۔کتاب دے مصنف خواجہ معین الدین کوریجہ غلام فریدؒ دے دربار کوٹ مٹھݨ دے سجادہ نشین ہن ۔ 64صفحات دی مختصر کتاب وچ خواجہ غلام فریدؒ دے حالاتِ زندگی ، فکر و فلسفہ ، شاعری، تے مختصر علوم تے دسترس تے مختصر ڳالھ کیتی ڳئی ہے ۔ آخروچ معین الدین کوریجہ دا ہک طویل انٹرویو موجود ہے جیڑھا فکرِ فریدؒ دی ترویج تے مزارِ فریدؒ دی ترقی واسطے سجادہ نشین دیاں کوششاں ، مجبوریاں تے مُشکلاں دی عکاسی کریندے ۔
’’پروفیسر مقبول حسن گیلانی اپݨی ڳالھ مہاڑ اِچ ایں کتاب کوں ادارہ جھوک پبلشرز تے جھوک دے مالک ظہور احمد دھریجہ دی بہترین کوشش قرار ݙتے تے آکھیے جو اے کتاب فریدیات دے طالب علمیں کوں سوہݨا کم ݙیسے ۔
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی