احمد پور لمہ

پہلے اے ضلع بہاولپور دا حصہ ہا۔ ہُݨ ضلع رحیم یار خان اچ شامل ہے۔ قلعہ احمد پور لمہ (جیکوں چھوٹا احمد پور وی آکھیا ویندے)صادق آباد دے شمال مغرب اچ چار میل دے فاصلے تے واقع ہے۔ ستلج دے نہری نظام تے ریلوے دی تعمیر توں پہلے ایں شہر کوں تحصیل صدر مقام دا درجہ حاصل رہ ڳے۔ احمد پور لمہ دی بنیاد سردار احمد خان رکھی جیڑھا جو پنجویں پشت اچوں ہے۔ 1806ء اچ احمد خان دے پُتر قادر بخش خان نے نواب بہاول خان ثانی نال لڑائی چھیڑ گھٖدی ، جنہاں فتح محمد خان غوری دی قیادت اچ ہک وݙی فوج بھیج تے فوجی کاروائی کیتی۔ معمولی جہی لڑائی دے بعد احمد خان کوں قید کر گھٖدا تے احمد پور لمہ مع سٹھ دیہات دے ، ریاست بہاول پور اچ شامل کر گھٖدے ڳئے۔ اے قصبہ اپݨے زمانہ عروج اچ چنڳی تجارتی منڈی رہ ڳے۔ اتھاں ہک قلعہ جامع مسجد رمضان خان، ترکھاناں آلی مسیت تے ٻیاںتاریخی یادگاراں ہن۔ حضرت بشارت علی تے حضرت خاکی شاہ دے مزار وی اتھائیں ہن۔سرائیکی شاعر بخت فقیروی اتھائیں دفن ہن۔ شہر دے نیڑے ݙو باغ فتح علی خان تے باغ غیاث الدین ٻہوں مشہور رہ ڳن۔سرائیکی وسیب اچ ایں قسبے کوں ݙاڈھا مہت آلا سمجھا ویندے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء