احمد پور سیال .

احمد پور سیال تحصیل شورکوٹ، ضلع جھنگ دے جنوب اچ واقع ہک قصبہ ۔ اے دریائے چناب دے مغربی کنارے تے مظفر گڑھ جھنگ دی پکی سڑک تے واقع ہے۔ ایکوں اٹھارویں صدی عیسوی اچ نصرت سیال آباد کیتا تے اپݨے وݙے پوترے احمد دے ناںتے ایندا ناں احمد پور رکھیا۔ 1965ء اچ اتھاں مولانا حکیم سید اختر حسین نے ہک دینی مدرسہ ’’جامعۃ العزیز‘‘ دی بنیاد رکھی۔ اتھاں دی زرعی زمین ٻہوں زرخیز ہے۔ ایندے نال نال اے جاہ مردم خیز وی ہے ، ٻہوں وݙے لوک پیدا تھین تے سرائیکی شاعری تے لوک دانش اچ ایں علاقے دا ٻہوں وݙا ناں ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء