احمد علی اکبر

احمد علی اکبر ہِک پاکستانی اداکار، گلوکار تے سابقہ قومی سطح دے ٹینس کھلاڑی ہِن۔ انہیں دا تعلق راولپنڈی نال ہِے۔ انہیں دے والد محمد علی اکبر ہِک پاکستانی ٹینس کوچ ہِن۔

احمد علی اکبر نے تیرہ سال دی عمر وِچ پی ٹی وی دے ڈرامہ "سٹاپ واچ" توں اداکاری دا اغاز کیتا۔ اوں نے 2008ء وِچ تھیٹر توں وی کم شروع کیتا تے اپݨے کم دی وجہ توں ٻہوں تعریف حاصل کیتی۔ اداکاری توں پہلے احمد علی اکبر قومی سطح تے ٹینس وی کھیݙدے ہَن۔ اُوہ کلب دی سطح تے کرکٹ تے فٹ بال وی کھیݙدے ہَن۔

اوں نے کئی مشہور ڈرامیاں وِچ کم کیتا ہِے جِنہاں وِچ "یہ رہا دل"، "عہدِ وفا" تے "پری زاد" شامل ہِن۔ "پری زاد" وِچ انہیں دے کردار کوں ٻہوں پسند کیتا گیا تے اِیں ڈرامے نے اُنہیں ں کوں بے پناہ مقبولیت ݙیوائی۔ اوں نے فلم "لال کبوتر" وِچ وی اداکاری کیتی ہِے۔