احمد سعید کاظمیؒ

حضرت مولانا سید احمد سعید کاظمی ؒعالم دین ’’مفسر قرآن ۔1913اچ امروہہ اچ پیدا تھئے۔ سولہ سال دی عمر اچ دینی علوم دی تکمیل کیتی تے شاہ علی حسین اشرفی کچھو چھوی نے دستار فضیلت ٻدھی۔ تکمیل تعلیم دے بعد جامعہ نعمانیہ لاہور اچ تدریسی خدمات انجام ݙیوݨ لڳے۔1931ء واپس امروہہ چلے ڳے تے چار سال تک اتھاں مدرسہ محمدیہ حنیفہ اچ معلم ریہے۔ 1935ء اچ ملتان چلے آئے تے مسجد حافظ شیر اچ قرآن پاک دا درس ݙیوݨ لڳے۔ملتان اچ مدرسہ انوار العلوم دی بنیاد رکھی۔آپ نے تحریک پاکستان اچ ٻہوں خدمات انجام ݙتن۔ مسلم لیگ دے سٹیج نال قیام پاکستان دے حق اچ تقریراں کریندے ریہے 1946اچ قرارداد پاکستان دی توثیق کیتے بنارس اچ جیڑھی آل انڈیا سنی کانفرنس منعقد تھئی ہئی ، ایندے اچ ودھ چڑھ تے حصہ گھٖدا۔مارچ 1948 اچ آپ نے ’’جمعیت علمائے پاکستان ‘‘دی بنیاد رکھݨ کیتے ملتان اچ علمائے اہل سنت دا کنونشن سݙیا جیندے اچ مولانا ابو الحسنات کوں صد ر تے آپ کوں ناظم اعلیٰ منتخب کیتا ڳیا۔1963تا 1974جامعہ اسلامیہ بہاول پور اچ شیخ الحدیث ریہے۔ آپ دی تصانیف ٻہوں ہن، جنہاں اچوں خاص طور تے قابل ذکر ’’السبیان‘‘ ہے جیڑھا قرآن مجید دا اُردو ترجمہ مع تفسیر ہے۔ ہُݨ تک صرف پارہ اول دی تفسیر آپ دی رحلت دے بعد شائع تھئی ہے۔ آپ 4جون 1986ء کوں فوت تھئے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء