احمد بن ابراہیم دورقی
او تبع تابعی ہَن تیں ابتدائی حنبلی عالماں وِچ شمار تھیندے ہَن۔اُنہیں دا پورا نسب ایویں ہے: احمد بن ابراہیم بن کثیر بن زید بن افلح بن منصور بن مزاحم ابو عبد اللہ العبدی الدورقی۔او ١٦٨ ہجری بمطابق ٧٨٤ عیسوی وِچ پیدا تھئے۔او مشہور حافظ حدیث یعقوب الدورقی دے بھرا ہَن تیں معروف ثقہ محدث تیں راوی عبد اللہ بن احمد الدورقی دے پیو ہَن۔
"دورق" عربی زبان دا لفظ ہے جیڑھا زاہدیں تیں عابدیں دی خاص ٹوپی کُوں آہدن۔ احمد بن ابراہیم اینہہ ٹوپی دی تجارت کریندے ہَن، اِیں واسطے اُنہیں دی نسبت "دورقی" ہے۔ کُجھ لوکیں دا ایہ وی آکھݨ ہے کہ اُنہیں دے پیو ابراہیم بن کثیر ٻہوں عبادت گزار تیں زاہد ہَن، اِیں واسطے اوں زمانے وِچ جیڑھے عابد تے زاہد ہوندے ہَن اُنہیں کُوں دورقی آکھیا ویندا ہا۔
استاد حدیث
[لکھو | ماخذ وچ تبدیلی کرو]احمد بن ابراہیم نے مندرجہ ذیل استاداں کولوں حدیث دی تعلیم حاصل کیتی:
اسماعیل
یزید بن زریع
جریر بن عبد الحمید
حفص بن غیاث
وکیع
ابن فضیل
یزید بن ہارون
اسحاق الازرق
بہز بن اسد
ہشیم بن بشیر
شاگرد حدیث
[لکھو | ماخذ وچ تبدیلی کرو]اُنہیں کولوں مندرجہ ذیل لوکاں نے حدیث روایت کیتی ہے:
مسلم (صحیح مسلم دے مؤلف)
ابو داود (سنن ابو داود دے مؤلف)
ترمذی (سنن ترمذی دے مؤلف)
ابن ماجہ (سنن ابن ماجہ دے مؤلف)
ہیثم بن خلف الدوری
محمد بن محمد بن بدر باہلی
ابو القاسم البغوی
ابن صاعد
بقی بن مخلد
ابو یعلیٰ موصلی
ابن ابی الدنیا
وفات
[لکھو | ماخذ وچ تبدیلی کرو]اُنہیں دی وفات ٢١ شعبان ٢٤٦ ہجری بمطابق ٩ نومبر ٨٦٠ عیسوی کُوں عراق دے شہر سامراء وِچ ٨٠ سال دی عمر وِچ تھئی۔