اجیت کور

اجیت کور
معلومات شخصیت
پیدائش	16 نومبر 1934ء (91 سال)  لاہور
شہریت	بھارت برطانوی ہند ڈومنین بھارت (15 اگست 1947–)
شریک حیات	راجندر سنگھ (شادی۔ 1952ء)
عملی زندگی
width="40 %" scope="row" style="text-align: right; background-color:#F3F3F3; " |صنف	ناول، مختصر کہانی، یادداشت
تعلیمی اسناد	ایم اے
پیشہ	شاعرہ ،  مصنفہ ،  ناول نگار ،  افسانہ نگار
پیشہ ورانہ زبان	پنجابی
کارہائے نمایاں	خانہ بدوش
اعزازات
ساہتیہ اکادمی فیلوشپ (2024) ساہتیہ اکیڈمی انعام برائے پنجابی ادب   (برائے:Khana Badosh ) (1985)  پدم شری اعزاز برائے ادب و تعلیم
باب ادب

اجیت کور (پیدائش: 16 نومبر 1934ء) آزادی دے بعد دی پنجابی ادیبہ ہِن۔ اوہ پنجابی فکشن خاص کر کہانی دی ہک بہت عمدہ تے منفرد لکھاری ہِن۔ جنہاں نے "عورت مرد دے رشتیاں کوں وݙی بے باکی تے گہرائی نال پیش کِیتا ہِے۔" تے انسانی حیاتی دے احساسات، مرد عورت دے رشتے دی خوبصورتی تے جذباتی کشمکش، تنہائی دا دکھ، انسانی رشتیاں دی پیچیدگیاں، پنجاب دی عورت دے کرب کوں وݙی بے باکی نال بیان کِیتا ہِے۔ کامریڈ لدھیانوی دے بقول "دہلی دی بدحالی تے بدعنوانی تے ملک دے وڄݨ والے مصائب توں گِھن کے 1980ء دی دہائی وچ پنجاب دے سانحات تک انّھاں دے قلم نے وݙی شدت نال مضامین تے کہانیاں لکھیاں ہِن۔" انّھاں دی تحریراں نہ صرف زنانیاں دی جدوجہد کوں اجاگر کریندیاں ہِن بلکہ اقتدار دے ایواناں وچ سماجی تے سیاسی انتشار تے بے شرمی دی بدعنوانی دے خلاف وی ہک بھرپور مہم چلیندیاں ہِن۔ اجیت کور دا مانݨاں ہِے جو حقوق نسواں دا مطلب خود کوں مضبوط کرݨا ہِے۔ تُہاکوں کرݨا پوسی۔

ابتدائی حیاتی

اجیت کور 16 نومبر 1934ء کوں لاہور، صوبہ پنجاب (برطانوی ہند) وچ پیدا تِھئیاں۔ انّھاں دے والد مکھن سنگھ تے والدہ دا ناں جسونت کور ہئی۔ انّھاں نے ابتدائی تعلیم سیکرڈ ہارٹ اسکول تے خالصہ ہائی اسکول، لاہور توں حاصل کِیتی۔ اوہ جݙݨ دسویں جماعت وچ زیر تعلیم ہَن تاں ملک دی تقسیم تِھی ڳئی تے انّھاں دا خاندان شملہ منتقل تِھی ڳیا۔ 1948ء وچ دہلی توں اجیت کور نے ایم اے اکنامکس تے بی ایڈ دے امتحانات پاس کِیتے۔ انّھاں نے اردو، انگریزی تے پنجابی ادب دا مطالعہ وی کِیتا۔

اجیت کورتے پنای لیکھک ہروندر سنگھ چنڈیگڑھ ،دہلی 13ـ09ـ2024.

تخلیقات تے کم

انّھاں دی آپ بیتی خانہ بدوش دا کئی ملکی تے غیر ملکی زباناں وچ ترجمہ تِھیا۔ اوہ ہݨ وی خود کوں خانہ بدوش ہی آہدیاں ہِن۔ انگریزی وچ انّھاں دیاں کہانیاں دا مجموعہ ڈیڈ اینڈ بہت مقبول تِھیا۔ انّھاں دی کجھ مقبول تصانیف جیویں پوسٹمارٹم، خانہ بدوش، غوری، قصائی باڑا، کوڑا کباڑا تے کالے کھوہ ہندی ترجمے وچ دستیاب ہِن۔ انّھاں دیاں ست کتاباں پاکستان وچ شائع تِھئیاں ہِن۔ نا مارو تے ٹیوی دھاراواہک تے ڈراما بݨیا ہِے۔ گلبانو، چوکھٹ تے مامی تے ٹیلی فِلماں بݨیاں ہِن۔