اجرک ݙین٘ہ
چھی مارچ اجرک ڈے یا سرائیکی قومی ثقافتی ڈے ? شہزادعرفان ہک ڳالھ سنگتیاں توں سمجھݨ چاہنداں جو " 6 مارچ دا ݙینہوار سرائیکی قوم دا پنڄ ہزار سالہ سرائیکی ثقافت دا قومی ݙینہوار منیندا پئے یا ݙو ترے سالاں پہلے ڄہڑھی نیلی اجرک کوں سرائیکی شناخت دا رواج ݙتا ڳئے اونکوں مناوݨ دا ݙینہوار ء؟ جیکر سندھی اجرک ڈے منیندن تاں او اجرک مہان صوفی (کنگ پریسٹ) ڈھائی ہزارسال مسیح تو پہلے یعنی اڄ توں ساڑھے چار ہزار سال پہلے توں ٻُکل مریندا ہا تے اڄ وی سندھی اوہا اجرک دا ٹھپہ تے اویں ٻُکل مریندن ۔۔ڈاڑھی وی اونویں ٹھپیندے تے وال وی پٹے آلے اویں ہوندن تے ماء سر متھا وی اویں ٻلہیندی ء جیویں ایں پنج ہزار سال پراݨے مہان صوفی دے بُتڑے ءچ ء۔۔۔ تے اساں جیہڑی نیلی اجرک کوں سرائیکی شناخت بݨاتے ٹوری کھڑے ہیں اے ترے سال مسیں رواج ءچ آندے۔ سنگت ءچوں کجھ نے سرائیکی کلچرل یا سرائیکی ثقافتی ڈینہوار مناوݨ دے بجائے اجرک ڈے پئے منیدے ہیں ۔۔اجرک یا بھانویں وسیبی ثقافت دا کوئی وی ورت ورتاوا بطور علامت ضرور استعمال تھیندے جیکر اے ݙینہہ مناوݨ کیتے اجرک کوں بطور علامت ورتیندے ہیں تے بری گالھ کوئی نئیں پر اعتراض "اجرک ڈے" مناوݨ تے ء قومی ثقافتی ڈے مناوݨ دا مطلب ء جو اساں ہزار ورہیاں پُراݨی قدیم چنگی ودھیک اخلاقی قدراں ریت رواج کھاوݨ پاوݨ ٻولیاں گیت گاوݨ سبھو کجھ کو زندہ رکھݨ دا اہر کریندے ہین تے اگلیاں پیڑھیاں کوں اشناک کریندے ہیں تے آپت ءچ ہک قومی جذبہ ءچ جُڑن تے اپݨی بقاء دی جنگ دا وعدہ ڈیندے گھندے ہیں ۔۔۔۔ پر اجرک دا ݙینہوار سمجھ توں ٻاہر ء ۔۔ میں تاں سرائیکی کلچرل ڈے منائے بھانویں اوندے ءچ نیلی اجرک کوں بطور سرائیکی علامت ضرور سمجھو پر اجرک ڈے سروں ٹھیک نئیں ٻاہندا ۔ قوماں کوں اپݨے ثقافتی سنڄاݨ دے حوالے لوکائی دی ریت رواج تے فوک وزڈم توں لوکائی دے اکھاݨ توں علامتاں گھنݨے پوندن۔۔۔۔۔ سنگت ساری کو وسیب کوں رشتہ داراں کوں سرائیکی قوم دا سرائیکی ثقافتی ݙینہوار مبارک تھیوے ۔ شہزادعرفان
اجرک
[لکھو | ماخذ وچ تبدیلی کرو]سرائیکی اجرک 7 مارچ 2014ء کوں لان٘چ تھئی۔ سرائیکی وسیب دی تاریخ وچ پہلا سرائیکی فیسٹیول مورخہ 7مارچ2014ء بروز جمعہ سویلے 10 بجے توں رات 10 بجے ملتان آرٹس کونسل وچ مختلف رنگا رنگ تقریبات نال شروع تھیا۔ انہاں وچ کرافٹ بازار، آرٹ گیلری، سرائیکی بکسٹالز، سرائیکی مصنوعات، سرائیکی جھومر، سرائیکی شاعری اتے سرائیکی موسیقی وانڳوں منفرد پروگرام شامل ہن۔ ایں موقعے تے بانی سرائیکی اجرک، قائد سرائیکستان ظہور دھریجہ سرائیکی اجرک وی متعارف کراوئی۔
اجرک دا رنگ
[لکھو | ماخذ وچ تبدیلی کرو]اجرک دا رنگ نیلا اسمانی ہے۔ سرائیکی وسیب وچ درباراں تے مزاراں تے نیلے رنگ دیاں سلھاں لڳیاں ہوئیاں ہن۔ ملتان دی بلیو پاٹری وی جگ مشہور ہے۔ نیل دی کاشت سرائیکستان وچ صدیوں توں تھیندی ہے۔ ایہ رنگ اتھوں گھدا ڳئے۔ تے سرائیکی ثقافتی علامت سرائیکی اجرک بݨائی ڳئی ہے۔
سرائیکی قومی ݙین٘ہ
[لکھو | ماخذ وچ تبدیلی کرو]سرائیکی قومی ݙین٘ہ ٻاویہ نومبر سرائیکی زبان تے سرائیکی ثقافت دا مشترک ݙین٘ہ ہے. ٻاویہ نومبر سرائیکی قوم دا قومی ݙین٘ہ ہے. اکویہ فروری صرف زباناں دا عالمی ݙن٘یہ ہے. چھی مارچ صرف سرائیکی ثقافت دا ݙین٘ہ ہے.
سرائیکی ثقافتی ݙین٘ہ
[لکھو | ماخذ وچ تبدیلی کرو]سرائیکی ثقافتی ݙین٘ہ (Saraiki Cultural Day) مناوݨ صرف ہک میلہ یا شغل نی، بلکہ اے قومیں دی زندگی تے اُنہاں دی بقا کیتے بہوں ضروری ہوندے۔ ایندے کجھ اہم فائدے تلے ݙتے گئے ہن:
۱. آپݨی سنجاݨ دی حفاظت
[لکھو | ماخذ وچ تبدیلی کرو]ثقافتی ݙین٘ہ مناوݨ دا سب توں وݙا فائدہ اے ہے جو اساں دنیا کوں ݙسیندے ہیں جو "اساں کون ہیں"۔ اے ݙین٘ہ ساݙی ہزاراں سال پرانی تہذیب، زبان تے تاریخ کوں زندہ رکھݨ دا ذریعہ ہے۔ جیہڑی قوم آپݨی ثقافت بھل ویندی ہے، او دنیا دے نقشے توں مٹ ویندی ہے۔
۲. نویں نسل (پیڑھی) کیتے آگاہی
[لکھو | ماخذ وچ تبدیلی کرو]اج کل دے دور وچ ساݙے بال (نویں نسل) موبائل تے انٹرنیٹ وچ رُلی ہوئی ہے۔ ثقافتی ݙین٘ہ دے موقع تے جݙاں او نیلی اجرک پیندن، سرائیکی جھمر ݙیکھدن تے وݙکیں دے قصے سُݨدن، تاں اُنہاں کوں پتہ لگدا ہے جو ساݙے ریت رواج کیہڑے ہن تے ساݙا پچھوکڑ کتنا شاندار ہے۔
۳. اتفاق تے محبت دا ودھارا
[لکھو | ماخذ وچ تبدیلی کرو]اے ݙین٘ہ وسیب دے ہر بندے کوں، بھاویں او امیر ہووے یا غریب، ہک ڄاہ تے کٹھا کر ݙیندے۔
- لوک رَل مل کے خوشی منیندن۔
- ہک ݙوجھے کوں اجرکاں پوائیاں ویندن۔
- ایندے نال آپت وچ پیار، محبت تے بھائی چارے دی فضا قائم تھیندی ہے۔
٤. ہنر منداں دی معاشی مدد
[لکھو | ماخذ وچ تبدیلی کرو]ثقافتی ݙین٘ہ تے ہتھ نال بݨیاں چیزاں دی نمائش تھیندی ہے۔
- نیلی اجرک، ٹوپیاں، کھُسے، تے مٹی دے بھانڈے (Blue Pottery) وِکدے ہن۔
- ایندے نال ساݙے غریب ہنر منداں تے کاریگراں دی حوصلہ افزائی تھیندی ہے تے انہاں دی روزی روٹی چلدی ہے۔
۵. امن تے مٹھاس دا پیغام
[لکھو | ماخذ وچ تبدیلی کرو]سرائیکی وسیب ہمیشہ توں صوفیاں تے پیار کرݨ والیں دی دھرتی رہی ہے۔ جݙاں پوری دنیا ݙیکھدی ہے جو سرائیکی لوک ڈھول دی تھاپ تے امن نال جھمر پیندے پین، تاں دنیا کوں اے پیغام ویندے جو سرائیکی ہک پرامن تے مٹھی زبان والی قوم ہے۔
یاد رکھو: "جیہڑی قوم آپݨی پڳ دی عزت کرݨ ڄاݨدی ہے، دنیا اوندی عزت کریندی ہے۔"