ابیہا حیدر

ابیہا حیدر
شخصی معلومات
پیدائش	23 فروری 1996ء (29 سال)
شہریت	پاکستان
عملی حیاتی
کھیݙݨ دی جاء	مڈ فیلڈر

ابیہا حیدر (جنم: 23 فروری 1996)ہک پاکستانی فٹ بال کھلاڑی ہِن جیڑھیاں بلوچستان یونائیٹڈ تے پاکستان زنانیاں دی قومی فٹ بال ٹیم کِیتے بطور مڈفیلڈر کھیݙدی ہِن ۔ اوہ پاکستان دی آسٹریلین فٹ بال لیگ ٹیم دی کپتان وی ہَن جیڑھی نے 2017 دے آسٹریلین فٹ بال انٹرنیشنل کپ وچ حصہ گِھدّا ۔ 2020 وچ، اوہ کھیلاں دی 30 طاقتور ترین مسلم زنانیاں دی فہرست وچ شامل تھئیں ۔ اوہ پاکستان دی نیشنل یوتھ کونسل دا وی حصہ ہِن۔

فٹ بال کیریئر

قومی کیریئر

12 سال دی عمر وچ، ابیہا نے 2008 دی قومی زنانیاں فٹ بال چیمپئن شپ وچ اسلام آباد دی نمائندگی کیتی۔ 2010 دی قومی زنانیاں فٹ بال چیمپئن شپ وچ انّھاں نے دیا دے خلاف آخری گروپ مرحلے دے میچ وچ 4-3 توں واپسی دی جِت وچ ݙو گول کِیتے جیڑھی وجہ توں انّھاں دی ٹیم اپݨے گروپ وچ سرفہرست رہی تے کوارٹر فائنل تک پُڄی۔ انّھاں نے 2013 تک چھ قومی چیمپئن شپ وچ اسلام آباد دی نمائندگی کیتی تے 36 مقابلیاں وچ 41 گول اسکور کِیتے۔ ابیہا 2014 وچ بلوچستان یونائیٹڈ وچ شامل تھی ڳئیں۔

2021 وچ، ابیہا نے ہائی لینڈرز وچ شمولیت اختیار کیتی تے 13ویں قومی زنانیاں فٹ بال چیمپئن شپ وچ انّھاں دی نمائندگی کیتی۔ پہلے گروپ میچ وچ، انّھاں نے نوانشہر یونائیٹڈ دے خلاف 16-0 دی جِت وچ ݙو واری گول کِیتا۔

بین الاقوامی کیریئر

ابیہا پاکستان دی نمائندگی کرݨ والی سبھ توں گھٹ عمر دی کھلاڑی ہَن جِہڑیلے 13 سال دی عمر وچ انّھاں نے ڈھاکہ وچ 2010 دے جنوبی ایشیائی کھیلاں وچ فٹ بال ایونٹ وچ حصہ گِھدّا۔ اِیں دے بعد اوہ 2010، 2012 تے 2014 SAFF ویمنز چیمپئن شپ وچ پاکستان دی نمائندگی کیتی۔ اوہ اِیں اسکواڈ دا وی حصہ ہَن جیڑھی نے بحرین دی زنانیاں دی قومی فٹ بال ٹیم دے خلاف ترئے میچاں دی دوستانہ سیریز کِیتے بحرین دا دورہ کِیتا ہئی۔ 2019 وچ ابیہا اِیں ویلھے گینز ورلڈ ریکارڈ دے ݙو درجات دا حصہ ہَن جِہڑیلے انّھاں نے ہک فٹ بال میچ وچ حصہ گِھدّا ہئی جیڑھا 2019 فیفا ویمنز ورلڈ کپ دے دوران فرانس وچ 69 گھنٹے تک جاری رہیا ہئی۔ اِیہ تقریب لیون وچ تھئی تے اِیندے وچ 53 ملکاں دے 807 کھلاڑیاں نے حصہ گِھدّا۔

ذاتی حیاتی

ابیہا دے پِیؤ ، مسعود حیدر، ہک فٹ بال کھلاڑی ہَن جیڑھے پنجاب دی سطح تے کھیݙے، جݙاں جو انّھاں دی والدہ، زارا، ہک سابقہ ہاکی کھلاڑی دے نال نال ٹیلی ویژن دی نیوز کاسٹر وی ہَن۔ ابیہا نے لندن یونیورسٹی توں ایل ایل بی (آنرز) تے ایل ایل ایم دی ڈگری حاصل کِیتی ہے۔

اعزازات

• بلوچستان یونائیٹڈ
• قومی زنانیاں فٹ بال چیمپئن شپ: 2014
• انفرادی کھیلاں وچ 30 طاقتور ترین مسلم زنانیاں
• پاکستان دی 25 سال توں گھٹ عمر دی غیر معمولی نوجوان زنانیاں
• گینز ورلڈ ریکارڈز: فٹ بال (ساکر) نمائشی میچ وچ سبھ توں زیادہ قومیتاں