ابو مسعود بدریؓ

ابو مسعود بدریؓ، جنہیں دا اصل ناں عقبہ بن عمر ہئی، صحابی رسول ﷺ ہَن۔

ناں تے نسب:

انہیں دا ناں عقبہ، کنیت ابو مسعود ہئی تے انہیں دا نسب عقبہ بن عمر بن ثعلبہ بن اسیرہ بن عمیرہ ابن عطیہ بن عوف بن حارث بن خزرج تائیں ویندے۔

اسلام قبول کرݨا:

اوں نے عقبہ ثانیہ وچ اسلام قبول کیتا تے دین اسلام دی تبلیغ وچ ودھ چڑھ کے حصہ ڳھدا۔

غزوات تے حالات زندگی:

انہیں تمام غزوات وچ شرکت کیتی۔ عام طور تے ایہ سمجھیا ویندا ہئی کہ اوہ غزوہ بدر وچ شریک نہ ہَن، پر امام شعبہ، بخاری تے مسلمؒ دے مطابق اوہ غزوہ بدر وچ وی شامل ہَن۔ انہیں بیعت عقبہ وچ وی شرکت کیتی۔ نبوی دور تے خلفاء ثلاثہ دے دور وچ او مدینہ وچ رہندے رہے، کڄھ عرصہ بدر وچ وی رہے۔ حضرت علیؓ دے دور خلافت وچ او کوفہ منتقل تھی ڳئے تے اُتھاہیں گھر بݨا ڳھدا۔ اوہ حضرت علیؓ دے خاص دوستاں وچوں ہَن۔ جݙاں حضرت علیؓ جنگ صفین کیتے روانہ تھئے تاں انہیں کوں کوفہ وچ اپݨا جانشین مقرر کیتا تے حضرت علیؓ دی واپسی تک او کوفہ دے امیر رہے۔ جنگ صفین دے بعد او ول مدینہ واپس آ ڳئے۔

وفات:

انہیں دی وفات 40 ہجری وچ تھئی۔ کڄھ لوکیں دا خیال اے کہ او امیر معاویہؓ دے دور خلافت دے آخر تائیں زندہ ہَن، پر ایہہ درست نئیں۔ البتہ ایہہ ضرور اے کہ او مغیرہ بن شعبہ دے کوفہ دے گورنر ہوݨ دے ویلے تائیں زندہ ہَن، جیہڑا کہ 40 ہجری دے بعد دا زمانہ ہئی۔

اولاد:

انہیں دے ہک پتر دا ناں بشیر ہئی تے ہک دھی وی ہئی جیڑھی امام حسینؓ نال منسوب ہئی۔ زید انہیں دے بطن توں ڄمی ہائی۔ بشیر آنحضرت ﷺ دے زمانے وچ یا کڄھ بعد وچ ڄمیا ہا۔

علم تے فضیلت:

حضرت ابو مسعودؓ نے حدیث نبوی ﷺ دی تبلیغ دا کم وی کیتا۔ انہیں دا شمار حدیث دے راویاں دے تریڄھے طبقے وچ تھیندے۔ حدیث دیاں کتابیں وچ انہیں توں 102 روایتاں منقول ہن۔ انہیں توں روایت کرݨ آلیاں وچ تابعین دے کئی طبقے شامل ہن، جنہیں وچوں کڄھ مشہور ناں ایہ ہن: بشیر، عبد اللہ بن یزید خطمی، ابو وائل، علقمہ، قیس بن ابی حازم، عبد الرحمن بن یزید نخعی، یزید بن شریک تیمی، محمد بن عبد اللہ بن زید بن عبدربہ انصاری۔