ابن حنیف
(پیدائش ۳۰ دسمبر ۱۹۳۰ء۔وفات:۲۹؍جولائی ۲۰۰۴ء)
ابن حنیف ، تاریخ، آثاریات، دنیا دے قدیم ادب، جنوبی پنجاب دے آثارِ قدیمہ بارے انہاں دی تحقیق منفرد مقام رکھدی ہے۔ بہاء الدین زکریا یونیورسٹی ملتان دے سرائیکی ایریا سٹڈی سنٹر نال کجھ عرصہ وابستہ رہ ڳئے۔ حکومت دی طرفوں، اُنہاں کوں تحقیق دے میدان وچ کارہائے نمایاں انجام ݙیوݨ پاروں ۲۰۰۵ء وچ بعد از مرگ ستارہ امتیاز عطا کیتا۔ اُنہاں دیاں جگ مشہور تحقیقی کتاباں:
٭ سات دریائوں کی سرزمین
٭ جنوبی پنجاب کے آثار قدیمہ
٭ مصر کا قدیم ترین ادب
٭ گل گامش کی داستان
٭ دنیا کا قدیم ترین ادب
ابن حنیف اپݨی حیات وچ اپݨے خاندان دے افراد کوں وصیت کیتی ہئی جو اُنہاں دی ذاتی لائبریری دیاں کتاباں تے نوادارت سرائیکی ریسرچ سنٹر کوں ݙے ݙتے ونڄن۔ اُنہاں دی وصیت اُتے عمل کیتا ڳیا تے اُنہاں دا ذاتی کتب کانہ، سرائیکی ایریا سٹڈی سنٹر دی لائبریری اتے نوادرات ثقافتی میوزیم وچ موجود ہِن۔
مورخ، صحافی ، دانشور ہن۔ 1931ء اچ رجانہ کلیانہ ضلع حصار اچ پیدا تھئے۔ اصل ناں مرزا ظریف بیگ ہے ۔ ابے سئیں دا ناں مرزا محمد حنیف بیگ ہے ۔ پرائمری تعلیم اپݨے دیہات اچ مڈل تعلیم گورنمنٹ ہائی سکول حصار اچ نویں جماعت کرنال توں تے میٹرک 1947ء اچ حصار دے سکول توں کیتی ۔ قیام پاکستان دے بعد ہجرت کر تے پہلے لاہور ول مظفر گڑھ ول میر پور خاص ،ول مظفر گڑھ دے آنوݨ ونڄݨ اچ ݙو سال لنگھا چھوڑیے ۔ قدیم تہذیباں دی تحقیق انہاں داعشق بݨ ڳیا تے روزنامہ ’’امروز‘‘ملتان دی سب ایڈیٹری انہاں دا روزگاربݨی جئیں نال او 1970ء اچ وابستہ تھئے تے بطور سینئر سب ایڈیٹر ریٹائر تھئے۔مرزاابن حنیف دی ہُݨ تک شائع تھیوݨ آلی تحقیقی تصانیف اے ہن۔ ہزار اں سال پہلے ۔ بھولی بسری کہانیاں۔ تخلیق کائنات۔ سات دریائوں کی سرزمین۔ مصر کی قدیم مصوری ۔ دنیا کا قدیم ترین ادب۔ سات دریاؤں کی سرزمین وسیب دے بارے اچ ہے تے وسیب دا قدیم ناں ست سندھ ( سپت سندھو) بارے ڳالھ مہاڑ کیتی ڳئی اے تے ݙسیا ڳے جو اے خطہ قدیم ہووݨ دے نال نال زرخیز ترین تے بہترین وی ہے۔
حوالہ
[لکھو | ماخذ وچ تبدیلی کرو]تاریخ ۔سرائیکی زبان وادب مصنف :خالد اقبال ۔مقبول گیلانی ۔ ناشر: جھوک پبلشرز,ملتان
کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء