ابن الصلاح

علامہ ابن الصلاح ہک ٻہوں وݙے عالم دین ہن، جنہاں دا پورا ناں ابو الفتوح نجم الدین احمد بن محمد ہا۔ اوہ 1181ء وچ ڄمیے ہن تے 1245ء وچ فوت تھئے۔

ابن ابی اصیبعہ انہاں دے بارے وچ لکھدن کہ اوہ عجمی ہن تے ہمذان وچ ڄمیے ہن۔ انہاں نے بغداد وچ تعلیم حاصل کیتی تے ول دمشق منتقل تھی ڳئے۔ اوتھاں 548 ہجری وچ انہاں دا انتقال تھیا۔ ابن ابی اصیبعہ ایہ وی آھدن کہ اوہ حکمی تے طبی علوم دے ماہر ہن تے انہاں دیاں لکھیاں ہوئیاں کتاباں وچوں "مقالہ فی الشکل الرابع من اشکال القیاس الحملی" تے "الفوز الاصغر فی الحکمہ" قابل ذکر ہن۔ لیڈن یونیورسٹی وچ ابن الصلاح دے پنڄ مخطوطے موجود ہن جنہاں وچ ہندسی امور تے بحث کیتی ڳئی ہے۔

ابن خلکان نے ابن الصلاح دے بارے وچ آکھیا ہے کہ اوہ اپݨے دور دے ہک عظیم فقیہ، مفسر، محدث، علم رجال دے ماہر تے لغت دے عالم ہن۔ انہاں دے فتاویٰ ہمیشہ درست تے رہنمائی ݙیوݨ آلے ہوندے ہن۔ اوہ مختلف علوم وچ مہارت رکھدے ہن تے میݙے استاداں وچوں ہن جنہاں کولوں میں فائدہ حاصل کیتا ہے۔

ابن الصلاح دی وفات دمشق وچ تھئی تے انہاں کوں صوفی قبرستان وچ دفن کیتا ڳیا۔ انہاں نے ٻہوں ساریاں کتاباں لکھیاں جنہاں وچوں کجھ ایہ ہن: علوم الحدیث، ادب المفتی والمستفتی، فوائد الرحلہ تے صیانة صحیح مسلم۔