ائوکھروندیں آلے موچی

ائوکھروندیں  آلے پاسوں  موچی امدے ہن، ہُنائیں  دے پُتریں  دی دکان اوباوڑے سندھ ہئی، ہک خانپور وں  ٹائم اوباڑے ویندا ہا، او بس آلے سامان ݙیوݨ امدے ہن ،کجھ مال اتھائوں  وی امدا ہا، او گھن گھندے ہن، بس آلے نال انہندا لائن دین ہا، میݙے ذمے اے ہا جو میں  بس ݙیکھ تے ݙساں ، میں  ݙسیندا ہم میکوں  او امب پِنڈ ݙیندے ہن، ایویں  خدا بخش جُگلانی کلینڈر ہا اوندی سیاݨی مائی روٹی ݙیوݨ امدی ہئی، کہیں  ویلے اوندا پیو ݙاڈا خان مند امدا ہا،اونکوں  وی میں  بس دا ݙیکھ تے ݙسیندا ہم خوش تھیندے ہن تے دعائیں ݙیندے ہن۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان