آٹی ماٹی
ٻال ادب تے اوندی ضرورتیں کوں پیش نظر رکھیندے ہوئے نے اے کتاب ’’آٹی ماٹی‘‘ پیش کیتی ہے ۔ ایں توں قبل ’’الف بے ٻٹوا‘‘ سامݨے آ چُکی ہے ۔ کتاب دے ݙوں حصے ہن ۔ پہلے وچ نثری کہاݨیاں موجود تے اُنہاں دی تعداد 44ہے ۔ ݙوجھے حصے وچ لوک سمل دے عنوان ہیٹھ ٹوک مکال ، خوشی دے ٻول ، کھیݙاں دے ٻول تے لولیاں موجودہن ۔ اے کتاب ٻال ادب دی ونکو ونکی کوں پیش کریندی ہے۔
ظہور احمد دھریجہ بیک ٹائٹل بیک پیج تے لکھدن:
’’پروفیسر اُستاد ہووݨ دی حیثیت نال ایں ڳالھ کوں سمجھدن جو ٻال ادب دی کیا اہمیت اے؟ ایں سانگے اُنہاں اپݨا کم لسانیات دے نال نال ٻال ادب کیتے ۔ خاص ڳالھ اے ہے جو انہاں سب توں پہلے سرائیکی قائدہ لکھیا ۔ بظاہر تاں اے نِکی جہی ڳالھ اے پر ݙٹھا ونڄے تاں بنیادی تے وݙی ڳالھ اے ۔ آٹی ماٹی بال ادب دے حوالے نال ہک چنگی تے سوہݨی کتاب ہے‘‘۔
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی