آفاقی تے علامہ نسیم طالوت

علامہ نسیم طالوت سرائیکی وسیب تے سرائیکی زبان و ادب دا ٻہوں وݙا ناں اے ،  1909ء اِچ نوتک محمید دیرہ غازی خان اِچ پیدا تھئے ، تے 20مارچ1963ء کوں ملتان اِچ وفات پاتی ، علامہ صاحب عربی ، فارسی تے اُردو تے دسترس رکھیندے ہَن ، سرائیکی اُنہاندی اپݨی ماء ٻولی ہئی ، آپ دا شمار ہندو پاک دے معروف علمی اکابرین وچ تھیندے ، آپ دے علمی کم توں علامہ اقبال تے مولانا حسین احمد مدنی وی متاثر ہَن ۔ ملتان دے پروفیسر ڈاکٹر مختار ظفر آپ دی شخصیت ، شاعری تے علمی کارنامیاں تے تحقیق کیتی اے ۔ ڈاکٹر صاحب دا مقالہ قابل قدر تے پڑھݨ دے لائق اے ۔ آپ ٻہوں وݙی علمی شخصیت علامہ منظور احمد آفاقی دے نانا سئیں ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء