آغا میر جانی قلندر

آغا میر جانی قلندر صوبہ خیبر پختونخوا دے وݙے قلندراں وچ شمار تھیندے ہن۔

ولادت

اِنہاں دی ولادت 1217ھ بمطابق 1802ء وچ تھئی۔

ناں اتے نسب

انہاں دا ناں آغا میر جانی شاہ، لقب قلندر، والد دا ناں سید نجم الدین شاہ ہئی۔ انہاں دے والد معروف بزرگ تے ولی اللہ ہن۔ روایات دی رو توں مستجاب الدعوات ہن۔ مرجع خلائق ہن۔ انہاں دا مزار سنڑل جیل پشاور دی چار دیواری دے اندر آ ڳیا ہے۔ آغا میرجانی شاہ دے ہک چاچا ہن۔ جِنہاں دا مزار ضلع جہلم (پنجاب) موضع کانسی ملال وچ ہے انہاں دا اسم سید شاہ صاحب ہئی۔ انہاں دے ݙوجھے چاچا سید محمد شاہ صاحب ہن جِنہاں دا مزار پشاور چھاؤنی وچ مال روڈ تے وزیر اعلیٰ دے بنگلہ دے پچھوں واقع ہے۔

مجذوب آپ مجذوب الحال ہن۔ ہک سیاہ کمبل اوڑھے رہندے ہن۔ پشاو رشہر دے لوک آپ کوں وݙی قدر ومنزلت دی نظر توں ݙیھدے ہن۔ تے آپ دا وݙا ادب و احترام کریندے۔ بیان کیتا ویندے جیں ویلے وی پشاور شہر دے ٻہوں وݙے عالم تے علامہ عصر میاں صاحب آسیا یعنی میاں غلام جیلانی اُدھر توں گذردے تاں آپ دے مکان توں دور گھوڑے توں لہہ ویندے تے فرمیندے کہ اڳوں قلندر بادشاہ دا گھر ہے، ادب کرو، آپ ؒ دا سلسلہ طریقت بری امام عبداللطیف قلندر نور پور شاہاں راولپنڈی توں ملدا ہے۔

اولاد

اِنہاں دے فرزند الحاج میاں نصیر احمد نے صوبہ خیبر پختونخوا دے علما توں علوم متداولہ دی تکمیل کیتی۔ اپݨے ویلے دے علامہ اجل فاضل اکمل مفسر قرآن، شارح حدیث محمد احسن پشاوری توں سند فراغت حاصل کر تے مسند تدریس تے فائز تھئے۔

وفات

آغا میر جانی دی وفات 1900ء وچ تھئی اِنہاں دا مزار پشاور وچ یکہ توت دروازہ دے ٻاہر بݨایا ڳیا ہے۔