آغا خان اول

حسن علی شاہ آغاخان آول 1817ء وچ مسندِ امامت تے جلوہ افروز تھئے۔ آپ حسن الحسینی دے ناں نال وی یاد کیتے ویندے ہن۔ آپ 1800ء وچ محلات وچ پیدا تھئے۔ آپ دی ماء دا ناں بی بی سرکار ہئی۔ آپ نے قم وچ تعلیم حاصل کیتی۔ امام شاہ خلیل اللہ دی شہادت دی خبر سݨ تے آپ اپݨی والدہ دے نال تہران وچ فتح علی شاہ قاچار بادشاہ دے دربار وچ ڳئے۔ بادشاہ نے آپ دی شادی اپݨی دھی سرور جہان نال کروائی تے آپ کوں قم تے محلات دا گورنر مقرر کیتا۔ آپ کوں آقاخان محلاتی وی آکھیا ویندے۔

آغاخان آول دے دور وچ ایران دے بادشاہ محمد شاہ قاجار دی حکومت ہئی۔ محمد شاہ قاجار نے آغاخان آول کوں کرمان دا گورنر وی مقرر کیتا۔ آغاخان آول نے کرمان وچ امن قائم کیتا۔ بادشاہ نے آغاخان آول کوں تہران سݙوا ڳھدا تے آپ کوں قید کر ڳھدا۔ آغاخان آول 8 مہینے تک قید وچ رہے۔ بادشاہ نے بعد وچ آپ کوں رہا کر ݙتا۔ آغاخان آول واپس محلات چلے ڳئے۔

1840ء وچ آغاخان آول نے ایران چھوڑݨ دی اجازت منگی جیہڑی بادشاہ نے فوراً قبول کر ڳھدی۔ آغاخان آول اپݨے خاندان دے افراد دے نال عراق روانہ تھی ڳئے۔